Облыс әкімінің орынбасары Нұржан Календеров, Меркі ауданы әкімі Жорабек Баубеков және денсаулық сақтау басқармасы басшысының міндетін ақарушы Лаура Отарбайдың жетекшілігімен ол Меркі ауданында медициналық ұйымдардың қызметімен танысты.
Сапар барысында медициналық қызмет көрсету сапасын жақсарту және ауылдық жерлердегі денсаулық сақтау инфрақұрылымын дамыту мәселелеріне ерекше назар аударды. Әлназарова «Ауылдық денсаулық сақтауды жаңғырту» бағдарламасы аясында Меркі аудандық орталық ауруханасының ТРИАЖ жүйесінің құрылыс барысымен танысты. Қабылдау бөлімі – стационардың құрылымдық бөлімшесі, онда науқастар триаж жүйесі бойынша медициналық сұрыптаудан өтеді. Бұл жүйенің мақсаты – ауыл тұрғындарына шұғыл медициналық көмекті уақытында көрсету деңгейін арттыру. Қабылдау бөлімі КТ, МРТ және ангиография аппаратарымен жабдықталған. Фильтр, интенсивті терапия палаталары, диагностикалық палаталар, УЗИ, эндоскопия, рентген, экспресс-зертхана, кіші операциялық, акушерлік палаталар арқылы шұғыл жағдайларда көп науқастарды қабылдауға жағдай жасалады. Базада инсульт және кардиология орталықтары; медициналық оңалту бөлімі; травматология және ортопедия бөлімі; хирургия бөлімі; реанимация және интенсивті терапия бөлімі сияқты бөлімдер ашылады. Орталық аудандық аурухана бірнеше елді мекен тұрғындарына, соның ішінде Т. Рысқұлов ауданының көршілес аумақтарына қызмет көрсетеді.
А.Әлназарова триаж жүйесінің науқастарға тиімді әрі нәтижелі көмек көрсету рөлін ерекше атап өтті. Бұл науқастардың жазылуына ықпал етеді, ал ауыр жарақат алған науқастарға жедел әрі тиімді емдеу жүргізіледі.
Қабылдау бөлмесінің жұмыс жүйесі науқастың жағдайы мен приоритетіне қарай шұғыл және білікті көмекті жылдам әрі тиімді көрсетуге бағытталған.
Бұдан кейін ведмство басшысы Меркі аудандық орталық ауруханасындағы “Үздік тәжірибелер” орталығымен танысты. Қазақстанның денсаулық сақтау министрі Ақмарал Әлназарова Меркі аудандық орталық ауруханасындағы Үздік тәжірибелер орталығымен танысты. 2021 жылдан бастап Жамбыл облысы әкімдігінің денсаулық сақтау басқармасының бұйрығымен Меркі орталық ауруханасы ауылдық жерлерде жоғары сапалы, қауіпсіз, жан-жақты, кешенді, қолжетімді, адамға бағдарланған медициналық-әлеуметтік көмек көрсету үшін Үздік тәжірибелер орталығына айналды. Реструктуризация мен жаңа жобаларды іске асыру арқасында медициналық көмек халыққа жақынырақ әрі қолжетімді болды.
Мейірбикенің дербес қабылдауы дәрігердің кейбір функцияларын мейірбикеге беру арқылы жүзеге асырылады. Әр учаскеде патронаждық мейірбике мен ауруларды басқару бағдарламасы бойынша пациенттермен жұмыс істейтін мейірбике жұмыс істейді.
Көпсалалы бастапқы медициналық-санитарлық көмек (МСАК) тобы құрылды: отбасылық дәрігер, 3 отбасылық мейірбике, әлеуметтік қызметкер, психолог, акушер, олардың міндеттері мен рөлдері анықталып, функциялары кеңейтілді. МСАК көпсалалы топтарының жұмысында саларалық интеграция маңызды рөл атқарады.
Реструктуризация мен жаңа жобаларды енгізу нәтижесінде медициналық көмек халыққа жақындап, қолжетімді болды. Науқастарға кешенді медициналық, әлеуметтік және психологиялық көмек көрсетіледі. Үздік тәжірибелер орталығы науқастарға толық әрі кешенді күтім көрсетуге ықпал етеді.
Сапар қорытындысы бойынша министр “Үздік тәжірибелер” орталығының ауыл тұрғындары үшін медициналық қызметтердің қолжетімділігі мен сапасын арттыруға бағытталған жұмысын жоғары бағалады. Патронаждық мейірбикелердің бастапқы медициналық-санитарлық көмек көрсетудегі рөлін ерекше атап өтті. Орталықта олардың жұмысын сапалы орындауына барлық жағдайлар жасалған, бұл оларға үйлерді аралап, білікті көмек көрсетуге мүмкіндік береді.
Мұнан соң Денсаулық сақтау министрі Жамбыл облысының тұрғындарымен кездесті. Қазақстан Республикасының денсаулық сақтау министрі Ақмарал Әлназарова Жамбыл облысына жұмыс сапары барысында тұрғындармен кездесіп, өңірдің денсаулық сақтау саласындағы негізгі мәселелерін, оның ішінде медициналық қызметтердің қолжетімділігі мен ауылдық медицинаның жағдайын талқылады.
Облыстың тұрғындарымен және азаматтық белсенділерімен кездесуде министр Мемлекет басшысының Қазақстан халқына Жолдауында айтылған медициналық көмектің бірыңғай пакетінің жобасын әзірлеу және бірыңғай мемлекеттік медициналық ақпараттық жүйені құру жөніндегі міндеттерді іске асыру туралы айтып берді.
- «Біз медициналық көмектің пациентке бағдарланған моделін құру мақсатында саланы түбегейлі қайта өзгерту және жаңғырту бойынша жұмыс жүргізіп жатырмыз. Арнайы мамандарға қолжетімділік жеңілдетілді, өзін-өзі жазу мүмкіндігі ұйымдастырылды, жоспарланған әдістер енгізілуде. Әрбір адамның тұрғылықты жеріне қарамастан сапалы медициналық көмекке қол жеткізуі маңызды», – деп атап өтті А.Әлназарова.
Кездесу барысында аудан тұрғындары сұрақтар қойып, оларды толғандырған мәселелері бойынша жауаптар алды. Дәрілік қамтамасыз ету, госпитализация және медициналық көмек алу мәселелері талқыланды. Министр кейбір сұрақтарды жеке бақылауына алды.
Әлназарова халықпен кері байланыс орнатудың маңыздылығын атап өтіп, мұндай кездесулер мәселелерге жедел жауап беруге және елдегі денсаулық сақтау жүйесін жақсартуға көмектесетінін айтты.
Содан соң бұқаралық ақпарат құралдарының өкілдерімен жүздесіп, брифинг өткізген министр Ақмарал Әлназарова медициналық көмектің халыққа қолжетімділігін арттыру үшін бастапқы медициналық-санитарлық көмекті дамыту шаралары туралы айтты. Олардың бірі – Меркі, Жамбыл, Талас, Қордай аудандарындағы орталық аудандық ауруханаларда және Тараз қаласындағы №2 және №5 қалалық емханаларда табысты жұмыс істейтін “Үздік тәжірибелер” орталықтарын құру.
– Қазақстан Республикасы Денсаулық сақтау министрінің 2023 жылғы 18 сәуірдегі №288 «Инновациялық технологияларды енгізу туралы» бұйрығына сәйкес денсаулық сақтау саласындағы «Ақылмандар кеңесі» құрылды, бұл өзекті мәселелерді шешуге мүмкіндік береді. Медициналық ұйымдарда «Халықтық мониторинг және халықпен кері байланыс» (МИОМОС) жобасы енгізілді, бұл халықпен тығыз байланыс орнатуға ықпал етеді. Жамбыл облысының денсаулық сақтау басқармасының «Оперативтік орталығы» ашылып, барлық медициналық ұйымдарда науқастарды қолдау CALL-орталығы жұмыс істейді. Денсаулық сақтау басқармасының бұйрығына сәйкес, бастапқы медициналық-санитарлық көмек көрсететін медициналық ұйымдардың көпшілігінде 30-дан астам халықтық кеңес құрылды, – деген А.Әлназарова ауылдық жерлерде медициналық ұйымдар ашу перспективалары мен жоспарлары туралы да айтып өтті.
Биыл 26 нысанның құрылысына 3,9 миллиард теңге бөлінген. Оның 20 медициналық және санитарлық объекті (4 ВА, 10 ФАП, 6 МП) «Ауылдық денсаулық сақтауды жаңғырту» жобасы аясында іске асырылады. Сонымен қатар, Жамбыл ауданы Қоңыртөбе ауылында 136,4 миллион теңгеге 5 келушіге арналған медициналық пункт салынып жатыр.
Сандай-ақ, орта мерзімді перспективада Байзақ, Қордай және Жуалы аудандарында аудандық ауруханалар салу жоспарлануда. Меркі, Шу және Талас аудандарындағы ауданаралық көпбейінді ауруханаларды модернизациялау көзделген. Тараз қаласында 400 төсек-орынға арналған көпбейінді аурухана, 250 төсек-орынға арналған перинаталдық орталық, жедел медициналық көмек станциясы, 350 төсек-орынға арналған инфекциялық аурухана, 250 келушіге арналған емхана және Жаңатас қаласында 200 төсек-орындық аурухана салу жоспарланған.
Денсаулық сақтау министрі ауылдық жерлерде бастапқы медициналық-санитарлық көмектің сапасын арттыру жобасы туралы да айтты. Министрлік міндетті әлеуметтік медициналық сақтандыру жүйесін оңтайландыру және медициналық сала әлеуетін арттыру бойынша жұмыс істеп жатқанын және медициналық оқу орындарымен бірлескен жұмыстың арқасында өңірлерге мамандар тарту үшін жағдайлар жасалғанын да мәлім етті.
