Бүгін, Жамбыл облыстық сотының төрағасы Рүстем Мырзакәрім облыстық соттың судьялары мен қалалық және оған теңестірілген соттардың төрағаларымен бірлесіп, М. Х. Дулати атындағы Тараз мемлекеттік университеті заң факультетінің 3-4 курс білімгерлеріне «Сот жүйесін жаңғырту құқық үстемдігін нығайтуға және сот билігінің тәуелсіздігін қамтамасыз етуге бағдар» атты тақырыбында дәріс өткізді.
Кездесу барысында Р. Мырзакәрім «100 нақты қадам» Ұлт жоспарын жүзеге асыруға бағытталған оның ішінде негізгі бағыттардың бірі заң үстемдігін қамтамасыз ету болып танылған бес институционалдық реформаны атап өтті. Ол білімгерлердің назарын сот жүйесін жаңғыртуға, азаматтардың сот төрелігіне қолжетімділігін қамтамасыз етуге, татуластыру рәсімдерін кеңейтуге, сот ісін жүргізудің мамандандырылуы мен цифрландырылуына аударды. «Еліміздің Тұңғыш Президенті Н.Ә. Назарбаев белгілеген сот жүйесін жетілдірудің осы бағыттары Жоғарғы Соттың «Сот төрелігінің жеті тастары» басым жобаларының портфелін жүзеге асыру аясында жеке пилоттық жобаларды енгізу арқылы жүзеге асырылады», — деп атап өтті сот төрағасы және әр тасқа жеке-жеке тоқталды.
Спикердің дәрісі елестетуге және соңғы жылдары сот жүйесіне енгізілген жаңалықтардың талдауын қамтамасыз етуге мүмкіндік беретін, мультимедиялық — таныстыру слайдтарымен сүйемелденіп отырды.
Одан әрі сөз облыстық соттың судьялары Гүлнара Асылбек пен Динара Нұрлыбаеваға берілді. Олар қатысып отырғандармен бітімгершілік рәсімдерді қолданудың және «Отбасылық сот» пилоттық жобасын іске асырудағы өзекті мәселелерімен бөлісті. Спикерлердің ерекше назары Билер кеңесінің, кәсіби және кәсіби емес медиаторлардың, сондай-ақ облыс әкімдігі жанында жұмыс істейтін «Бастау» жұмыс тобының жұмысына аударылды. Топтың жұмысын неғұрлым анық түсіну үшін және спикерлердің сөзін толықтыра отырып Р. Мырзакәрім ювеналды соттың өндірісіне түскен азаматтық даудың шешілгендігін мысалға келтірді. «Істі қараған судья сотқа жүгінген кәмелетке толмаған үш балалары бар азаматтық ерлі-зайыптыларды татуластыруға тырысқан. Судьямен жасалған барлық әрекеттерден еш нәтиже шықпаған, сол кезде жұп «Бастау» жұмыс тобына жіберілген. Топ мамандары қақтығысушы ерлі-зайыптылардың жасырын мәселелерін түйістіріп, оларды шешуге және дұрыс шешім қабылдауға көмектескен. Нәтижесінде, ерлі — зайыптылар татуласып, одан бөлек өз қатынастарын заңды түрде тіркеп, неке жүзіктерімен алмасқан», — деп атап өтті облыстық соттың төрағасы.
«Түнгі сот» пилоттық жобасының мақсаты мен міндеттері туралы Тараз қаласының мамандандырылған әкімшілік сотының төрағасы Берік Оразымбетов айтып берді. Спикердің айтуынша, жоба аясында әкімшілік сот сағат 13.00-ден 22.00-ге дейін жол-көлік құқық бұзушылықтары туралы материалдарды қарайды және жақын арада жәбірленушілердің бұзылған құқықтарын қалпына келтірудің жоғары көрсеткіштерін көрсетеді. «Жоба жұмыс істеген жылы сот түнгі режимде 400-ден астам әкімшілік істі қарады. Жоба өз тиімділігін көрсетіп, халықтан оң нәтиже алды», — деді Б. Оразымбетов.
Облыс бойынша Соттар әкімшісі басшысының орынбасары Гузаль Тұрдыева және ақпараттық технологиялар және ақпараттық ресурстарды қорғау бөлімінің басшысы Мұхитдин Райымбеков соттардағы ақпараттық технологиялардың мүмкіндіктері туралы хабардар етті. Спикерлер өз сөздерінде сот жүйесіне «Сот кабинеті» ақпараттық сервисі, «Төрелік» ақпараттық жүйесі, сот процестерінің аудио — бейне бекітуге жазылуы (АББ), ЅМЅ-хабарламалар енгізілгендігін және оны халық пен сот қызметкерлерінің сәтті қолданып жатқандығын айтып, білімгерлерге Smart соттың және «True Conf» мобильдік қосымшасының жұмыс тәртібін көрсетті.
Білімгерлер халықтың татуластыру рәсімдерін қолдану, іске асырылып жатқан жобалар мен ІТ – технологиялар қызметтерін пайдалану мәселелерімен байланысты өзекті мәселелерді белсенді талқылауға шақыртылды.
Дәріс соңында қонақтарға азаматтық және әкімшілік істер бойынша сот процестері көрсетілді, сот отырысының залдарына экскурсия жасалып және облыстық сот мұражайының экспонаттарымен танысты.
Кездесуді өткізудің мақсаты жастарға Қазақстан Республикасы Тұңғыш Президентінің «Қазақстандықтардың әл-ауқатын арттыру: табыс пен өмір сүру сапасын жақсарту» атты Қазақстан халқына Жолдауын жүзеге асыру барысын түсіндіру болды.
Қайнар: Жамбыл облыстық сотының баспасөз қызметі
Тегтер: Жамбыл облыстық соты
Білімгерлермен дәріс
