Жиынға өңірімізден ҚХА құрылымдары мен этномәдени бірлестік өкілдері онлайн режимде қатысты.
Сессия отырысында елімізде орын алып жатқан су тасқыны салдарымен күресу, ұлттық құрылтайдағы келелі мәселелер мен этносаралық татулықты сақтау төңірегінде өзге де өзекті тақырыптар қамтылды.
Сонымен қатар, 1 мамыр – Қазақстан халқының бірлігі күні қарсаңында этномәдени бірлестік өкілдері А. Құнанбаев, М. Әуезов, Ш. Уәлиханов атындағы және №6 қалалық кітапханаларында, Тараз Инновациялық-Гуманитарлық институтында студенттермен және «125 EDUCATION» мектебінің оқушыларымен кездесіп, Қазақстан халқы Ассамблеясының жұмысы туралы түсіндіріп, 1 мамыр мерекесінің маңыздылығын атап өтті.
1 мамыр – «Қазақстан халқының бірлігі күні» мерекесіне орай Жамбыл облысының әкімі, өңірлік ассамблеяның төрағасы Ербол Қарашөкеевтің қатысуымен дөңгелек үстел өтті. Облыс басшысы өңірлік ҚХА-ның атқарған жұмыстарына тоқталып, ҚХА-ның «Бірлік. Жасампаздық. Өрлеу» атты ХХХІІІ сессиясында жүктелген міндеттерді бірге жүзеге асыруға шақырды.
Сонымен қатар, өңірдегі этносаралық келісімнің нығаюына, су тасқынынан зардап шеккен өңірлерге гуманитарлық көмек жинап, жөнелтуге атсалысқан азаматтарды да марапаттады.
Жиында өңірлік ҚХА төрағасының қоғамдық орынбасары, облыстық ҚХА Ақсақалдар кеңесінің төрағасы Асқарбек Сейілхан, «Ахыска» түрік этномәдени орталығы төрағасының орынбасары Жалил Аббосов, ҚХА «Ассамблея жастары» РҚБ төрайымы Хамида Турдыева және «Радонеж» орыстар қауымдастығының өкілі Евгений Кравчук бірлік пен келісім тақырыбында баяндама жасады.
Мақала Жамбыл облысы әкімдігі ішкі саясат басқармасының ақпараттық саясаты тапсырысы негізінде жарияланды
