Ойын Жамбыл облысы әкімі Ербол Қарашөкеевтің бастамасымен Жамбыл облысы әкімдігі білім басқармасы Тараз қаласы білім бөлімінің қолдауымен «Жамбыл облысы Азаматтық Альянсы» ЗТБ ұйымдастырды.
Зияткерлік жарыстың алғысөзі жазушы Елен Әлімжан, облыстық білім басқармасының бөлім басшысы Айдын Досыбаева, қалалық білім бөлімінің басшысы орынбасары Дүрия Тоғатаева және «Жамбыл облысы Азаматтық Альянсы» ЗТБ басқарма төрағасы Исламбек Дастан сөз сөйледі.
Шараның мақсаты “Əулиеата кітап оқитын өңір” жобасын жастар арасында танытып, кітап оқу мəдениетін қалыптастыру. Сонымен қатар, бұл іс-шара жастардың алған білімін көпшілікпен бөлісуге, ой-талқы жасауға, білім алу мен білім беру ісін дамытуға арналған тамаша мүмкіндік.
2024 жылы Атырауда өткен Ұлттық құрылтайда Мемлекет басшысы Ұлттық кітап күнін белгілеу жөнінде тапсырма берген болатын. Мемлекет басшысы Ұлттық құрылтай мүшелерінің Ұлттық кітап күнін құру туралы бастамасын қолдап, оқуға деген сүйіспеншілік – қоғамның дамуына ықпал ететін маңызды қасиеттердің бірі екенін атап өтті.
Зияткерлік ойында Мұхтар Әуезовтің «Қилы заман» повесі, Тахауи Ахтановтың «Шырағың сөнбесін» повесі, Әлдихан Қалдыбаевтың «Мен апамның баласымын» кітабы, Елен Әлімжан «Алтын жүлге жыры» кітабы, Оралхан Дәуіт «Ақ самаурын» кітаптарынан сауалдар қойылды.
Ойын нәтижесі бойынша гранд финалға (облыстық ойынға) Тараз қаласы атынан №15 мектеп гимназиясы (І орын, 500 мың теңге) мен №23 орта мектебі (ІІ орын, 400 мың теңге) жолдамаға ие болып, 3 орын Б.Момышұлы атындағы №45 қазақ классикалық гимназиясы (ІІІ орын, 300 мың тенге) иеленді.
Барлық қатысушыларға естелік ретінде кітаптар таратылып, топ жетекшілеріне қалалық білім бөлімінің басшысы Раушан Қожамжарова алғыс хат тапсырды.
TURANINFO.KZ
