29 наурызда сағат 00-00-де Тараз қ., Учетный квартал ауданындағы «Тараз Металлург зауыты» ЖШС, 4 қабатты жұмыс істемейтін ғимаратта, 1000 шаршы метр алаңда өрт оқиғасы орын алды (тұрмыстық қоқыс пен ішкі ағаш қаптамасы жанды, жалпы ауданы 1500 ш. м.). Өрт Сағат 01-22-де ауыздықталды. Сағат 3 22 минутта жойылды. Өрт сөндірушілер ғимараттың 500 шаршы метрін сақтап қалды. Қаза болғандар мен зардап шеккендер жоқ. Өрттің шығу себебі анықталуда. Оқиға орнында облыстық ТЖД 56 қызметкері мен 12 бірлік техникасы жұмыс жасады.
Өрттерді болдырмау және адамдардың қаза болуы мен жарақат алуына жол бермеу мақсатында тұрғындар мен облыс қонақтарына өрт қауіпсіздігі ережелерін қатаң сақтаулары қажеттігін ескертеміз.
Өрттің алғашқы белгілері пайда болған кезде (еріген сымның және түтін иісі) электр жабдығын сөндіру қажет. Жануды сөндіру үшін шаралар қабылдау қажет және оқиға туралы «101» немесе «112» нөмірі арқылы хабарлау қажет.
Ал өрт күшейген жағдайда улы газдан уланудан сақтану үшін үй-жайдан шығу қажет.
