Интеллектуалды сайыстың негізгі мақсаты – жастар арасында мемлекеттік рәміздерге деген құрметті арттыру, Қазақстан тарихы мен мәдениетіне қызығушылықты нығайту, сондай-ақ жастардың зияткерлік әлеуетін дамыту болды. Шараға қала бойынша білім беру ұйымдары, қоғамдық бірлестіктер мен белсенді жастардан құралған 12 команда (жалпы 96 қатысушы) қатысты.
Квиз сұрақтары бірнеше тақырыптық бөлімдерден тұрды:
- Қазақстан Республикасының мемлекеттік рәміздері мен тарихы;
- Жалпы эрудиция, логика және есте сақтау қабілеті;
- Әлем және Қазақстандағы мәдениет, спорт, география тақырыптары;
- Тұлғалық даму мен көшбасшылыққа қатысты сұрақтар.
Қатысушылар арасында ерекше белсенділік пен интеллектуалды дайындық танытқан командалар анықталды. Нәтижесінде жеңімпаздар келесідей болып белгіленді:
1 орын – “BB:A-vantage” командасы (жоғары ұпаймен көш бастады);
2 орын – “Білім бомбардирлері” (логикалық сұрақтарда үздік нәтиже көрсетті);
3 орын – “125 US” командасы (тарих пен эрудиция бағытында ерекшеленді).
Жеңімпаз командаларға бағалы сыйлықтар мен алғыс хаттар табысталды.
Шара соңында қатысушылар ұйымдастырушыларға өз алғыстарын білдіріп, мұндай форматтағы интелектуалды жобалардың жиі өткізілуін қолдайтындықтарын жеткізді. Бұл квиз жастар арасындағы достық қарым-қатынасты нығайтып, топпен жұмыс істеу, жылдам ойлау мен жауапкершілік сезімін арттыруға ықпал етті.
Тараз қалалық Жастар ресурстық орталығы алдағы уақытта да жастарды рухани және зияткерлік тұрғыда дамытуға бағытталған түрлі форматтағы іс-шараларды өткізуді жалғастырады.
