Ахмет Байтұрсынұлы-ұлт руханиятының күре тамыры. Қазақ ұлттының ұлттық, ойлау жүйесін, көзқарасын, сана сатысын мүлде жаңа деңгейге көтерген құбылысты тұлға.
Бүгін Жамбыл облысы әкімдігі білім басқармасының оқу-әдістемелік кабинетінің ұйымдастыруымен Тараз төрінде, яғни, ұлт мектебінің тұңғыш жүрегі Ахмет Байтұрсынұлының 150 жылдық мерейтойына орай “АХМЕТ БАЙТҰРСЫНҰЛЫНЫҢ ҒЫЛЫМИ МҰРАСЫ ЖӘНЕ ҰЛТТЫҚ БІЛІМ БЕРУ ЖҮЙЕСІ” тақырыбындағы облыстық диалог алаңында жас ұстаздар дөңгелек үстелде бас қосты.
Облыстың әр өңірінен жеткен ұстаздар жиынындағы модератор Жамбыл облысы әкімдігі білім басқармасының оқу-әдістемелік кабинетінің басшысы Шахризада Асылбекқызы дөңгелек үстелдің мақсаты қазіргі облысымыздағы жас ұстаздардың басын қосып, Ұлт ұстазы А.Байтұрсынұлының еңбектерін жеткіншектерге насихаттау, оның шығармашылық мұрасын оқыту барысында жас ұрпақты отансүйгішттіке, еңбекқорлыққа, ұлттық құндылықтарды құрметтеуге тәрбиелеу бағытында бір-бірімен пікір алысу, тәжірибе алмасу, сондай-ақ, А.Байтұрсынұлына қатысты тың ақпараттардан хабардар болу екеніне тоқталып өтті.
Жиында сөз алған М.Х.Дулати атындағы Тараз өңірлік университетінің “Филология және журналистика” кафедрасының доценті, филология ғылымдарының кандидаты Темірбай Әлиұлы “Ахмет Байтұрсынұлы және ұлт өркениеті” тақырыбында баяндама жасап, алаш зиялысының ғұмырнамалық деректерінен бірнеше мағұлматтарға тоқталып, оның ұлт саясаты мен мәдениетіндегі өшпес із қалдырған елеулі еңбектеріне тоқталып өтсе, педагогика ғылымдарының докторы, профессор Тұрсынай Рыстайқызы алаш арысының ХХ ғасырдағы ұлт зиялыларының ішіндегі Ахаңның рөліне айрықша тоқталып, оның қалдырған мұрасының қазіргі кезеңіндегі алар орнының жоғары екендігін көпшілік алдында айтып, бірнеше мағұлматтардан хабардар етті.
Сондай-ақ, Фараби Бақытұлы, Омарова Айнұр, Тамабекова Нұршат, Онғаров Нұрлан, Салтанат Жұмабекқызы, Тұмар Бақтиярқыз сынды т.б. аудандардан келген ұстаздар бүгінде А.Байтұрсынұлының мұралары жас жеткіншектерге қаншалықты деңгейде насихатталып жатқанын және оның “Қазақ әліппесі”, “Тіл құралы, “Әдебиет танытқышы” сынды көп еңбектерін тиімді тәсіл мен әдістер арқылы оқушылардың санасына құйып жатқандықтарын айтып, өз тәжірибелерімен бөлісті.
Еске сала кетейік, Ахмет Байтұрсынұлының 150 жылдық мерейтойына орай ұйымдастырылып отырған бүгінгі іс-шарадағы әр ұстаздардың баяндамалары ұйымдастырушылар тарапынан жинаққа еңгізіліп, алдағы уақыттағы ұстаздардың ұсыныс-тілектері ескерілмек.
Мадияр Ералыұлы
