Тараз қаласы әкімдігі құрылыс бөлімі 2021-2022 жылдары конкурссыз 1,4 млрд теңгеге келісімшарт жасалған екен. Оның ішінде қазіргі Тараз қаласы әкімінің орынбасары Нұрбол Қалдыбаевтың құрылыс бөлімінің басшысы ретінде 262 млн теңгеге келісімшарт жасалып, 177 млн теңге орындалып қойған.
Негізі конкурссыз келісімшарттар төтенше жағдай кезінде рұқсат етіледі. Бірақ Тараз қаласында соңғы екі жылда төтенше жағдай орын алды ма?! Әрине алған жоқ. Айта кетерлігі, мемлекеттік сатып алу порталында авторлық құқығы бар мердігерлердің келісімшарттарын есепке алмадық, мемлекеттік сатып алу Заңға сәйкес конкурссыз қызмет алуға рұқсат екені мәлім.
Келісімшартқа тұрған мердігерлерді тізбектеп шығуды жөн санадым. Олар:
«ТаразТауЖоба» ЖШС — 140 млн теңге 5 келісімшарт.
«РБЕ-ОЙЛ» ЖШС 67 млн теңге 3 келісімшарт;
«АЛТЫН ЖОБА» ЖШС 40 млн теңге 3 келісімшарт;
«Курылыс инвест жоба» ЖШС 86 млн теңге 3 келісімшарт;
«ГермесКом» 138 млн теңге 2 келісімшарт;
«Строительная компания «ТУРАН» 94 млн теңге 2 келісімшарт;
«ТАМАС» ЖШС 76 млн теңге 2 келісімшарт;
«FORTIS» ЖШС 81 млн теңге 2 келісімшарт;
«Кантри-М» ЖШС 160 млн теңге 1 келісімшарт;
«Каз Коммерц Строй» ЖШС 84 млн теңге 1 келісімшарт;
ОЛЖАБЕКОВ ДАНИЯР СЕРИКОВИЧ 332 млн теңге 1 келісімшарт;
F&Company 14 млн теңге 1 келісімшарт;
«Идель» ЖШС 58 млн теңге 1 келісімшарт;
Соңғы конкурссыз келісімшарттар тамыз айының 14 жұлдызында қол қойылған болатын. Осыған дейін Тараз қаласы әкімдігі тұрғын үй коммуналдық шаруашылығы, пассажирлік тасымалдау бөлімімен конкурссыз 3,5 млрд теңгеге келісімшарттар жасалған болатын.
TURANINFO.KZ
