Қазір Тараз қаласында «Astana Arlans» кәсіпқой бокс клубы мен Қытай елінің «China Dragons» командасы арасында Бүкіләлемдік бокс сериясының (WSB) сегізінші маусымының жекпе-жегі өтіп жатыр. Сегізінші маусымның топтық сайысының қорытынды кешіне облыс әкімі Асқар Мырзахметов арнайы келіп, жігіттерге қолдау білдіруде. Айта кетерлігі, бұл сайыста арландардың намысын 3 жамбылдық қорғауда. Атап айтқанда, 60 салмақ дәрежесінде Әлімжан Бескемпір, 69 келіде Асланбек Шымбергенов және 91 келіден жоғары салмақта Нұрсұлтан Аманжолов. Олар жерлестерінің алдында намысты қолдан бермейді деген сенімдеміз. Сондай-ақ бокс бәсекесінен кейін аралас жекпе-жек те болмақ. Ондағы басты кездесуде тағы бір жамбылдық Ермек Тлауов украиналық Дмитрий Власюк кездесетін болады.
TURANINFO.KZ
