Мойынқұм ауданы Хантау ауылына «Саламатты Қазақстан» медициналық пойызы тоқтады. 2024 жылғы 1 мамырда «Саламатты Қазақстан» пойызы» жобасы басталды, — деп хабарлайды Turaninfo.kz.
Жобаны ҚР Президентінің жанындағы Әйелдер істері және отбасылық-демографиялық саясат жөніндегі Ұлттық комиссия, Денсаулық сақтау министрлігі және «Самұрық-Қазына» АҚ жүзеге асырады.
«Саламатты Қазақстан» жобасының мақсаты
Шалғай аудандар мен елді мекендерде тұратын азаматтарға көмек көрсетіледі. Медициналық, психологиялық, құқықтық және медиативтік кеңестер беріледі.
Барлық өңірлердің 140 шалғай станциясының кемінде 90 000 тұрғынын қамту жоспарлануда.
Хнтау ауылында салтанатты ашылу рәсімі өткізілді. Хантау ауылының аналар кеңесінің төрайымы Қ.Б.Туешиева сөз сөйледі. Ол дәрігерлерге алғыс білдірді. Өз кезегінде пойыздың бас дәрігері А.Қ.Егінбаева тұрғындарға қандай қызметтер көрсетілетінін түсіндірді. Сондай-ақ, пойызда заңгер әрі медиатор маман Ш.Ағзанбаева да сөз алды. Жұртшылыққа кез келген заң тұрғысынан қиындықтар болған жағдайда көмек көрсетілетінін айтты.
Қандай қызметтер көрсетеді
Тегін медициналық көмектер: хирург, педиатр, психолог, неврапотологтарға қаралуға болады. Ультрадыбыстық диагностика, жалпы тәжірибе дәрігері, рентгенологтың көмегіне жүгінуге болады. ЭКГ жасатып, ЛОР, офтальмолог, онколог-мамологтардан кеңес алуға болады. Гинеколог және уролог қызметтері мен заңгерлік көмектер көрсетіледі.
Азаматтардың мемәлеуметтік қолдау алуға құқықтары, зейнетақы, жәрдемақы, ӘТТ мәселелері бойынша тегін кеңестер көрсетіледі.
Мойынқұм ауданында қанша уақыт тұрады
Медициналық поездің станцияларда тұру мерзімі.
21-22 қараша Хантау станциясы;
23 қараша Қияхты станциясы;
24 қараша Бурылбайтал станциясы;
25-26 қараша Шығанақ станциясы;
27-28 қараша Мыңарал станциясы.
Азаматтарды қабылдау уақыты: сағат 09:00-18:30 аралығында екенін хабарлаймыз. Түскі үзіліс: сағат 13:00-14:00 аралығында.
Пойыздың қозғалыс кестесі мен толық ақпаратты medpoezd.kz сайтынан көре аласыздар. Сондай-ақ жобаның әлеуметтік желідегі парақшаларынан білуге болады.
