Жамбылда неге жол көлік оқиғалары жиелеп кетті?
«Облыс бойынша жол-көлік оқиғаларының жай – күйі туралы» атты Жамбыл облыстық Қоғамдық кеңестің отырысы өтті. Отырыста облыстық жергілікті полиция қызметінің басшысының орынбасары, полиция полковнигі Самат Құсайнов баяндамасы тыңдалды. Ал, қосымша баяндамада Жамбыл облысы ішкі істер департаменті әкімшілік полиция басқармасы бастығының орынбасары, полиция подполковнигі Мамбет Смайлов есебіннен кейін келесідей ұсынымдар жолданды:
1) Тараз қаласындағы Төле би көшесіндегі «Һибатулла Тарази» мешітінің алдынан және Тәуке хан мен Б.Момышұлы қиылысына жаяу жүргіншілерге арналған жер үсті көпір салуын қарастыру;
2) Қонаев — Сейфуллин — Жансүгіров көшелерінің қиылысында жаяу жүргіншілерге жолды өту мәселесін шешу;
3) Жаңадан салынған көпірге жол қауіпсіздігін сақтайтын белгілер қойылсын;
4) Жамбыл даңғылы мен Сеңкібай көшелерінің қиылысында жаяу жүргіншілерге арналған жолақтар алынып тасталса;
5) Төле би даңғылы мен Желтоқсан көшесінің қиылысындағы бағдаршамға, әсіресе Қойгелді көшесі жағынан келіп Төле би даңғылынан Желтоқсанға бұрылатын жаққа «Бағдаршамға» қосымша бұрылыс қойылсын;
6) Қойгелді көшесінен Сүлейменов көшесіне түсетін жолайрықты зерделенсін;
7) Қостөбе ауылдық округі Талас аулынан Тараз қаласына бағытталған тұрғындарға аялдама орнату және жолды жарықтандыру;
8) Жамбыл Жабаев ескерткішіне баратын жаяу жүргіншілерге жолақтар қойылсын;
9) Аққозиев пен Ташкент қиылысына бағдаршамға уақыт көрсеткіш қою және Тәшкент көшесіне асфальтқа жол белгілері салынсын;
«Тараз қаласындағы ыңғайсыздық пен авариялық жағдайларды тудыратын көшелер зерделенді. Фэйсбук әлеуметтік желісі арқылы осы мәселе көтеріліп желі пайдаланушылардың барлық сын-ескертпелері ұсынымға енгізілді. Кеңес мүшелерінің ұсыныстарын қосып мүдделі мекемелерге ұсынымдар жолданатын болады» деп мәлімдеді облыстық Қоғамдық кеңес мүшесі Исламбек Дастан.
TURANINFO.KZ
