4 маусым – ҚР Мемлекеттік рәміздері күніне орай орталық «Достық» алаңынан Төле би көшесі бойымен ҚР Тұңғыш Президенті саябағына дейін шеру өтті.
Көпшілік шараға облыс әкімі кәрім Көкірекбаев бастап, бірқатар зиялы қауым өкілдері қатысып, аталған аумаққа дейін жаяу жүріп өтті. Ширек ғасырлық мерейтой қарсаңында өткізілген шеруде Қазақстанда жасалған 25 автокөлік және 25 велошабандоз әскери оркестрдің сүйемелдеуімен қаланың басты көшесінде салтанат құрды. Жалпы саны 700-ге жуық адам қатысқан шарада қаланың жас өнерпаздары Мемлекеттік Әнұранды орындады. Аталмыш саябақпен түйінделген шеру қалалық мәдениет үйінің өнерпаздарының «Менің Қазақстаным» атты мерекелік концертіне ұласты. Сондай-ақ, мереке қарсаңында «Қазфосфат» ЖШС-нің спорт кешені, Т.Рысқұлов саябағы, облыстық мамандандырылған спорттағы дарынды балаларға арналған мектеп интернаты, «Темір жол» бекеті, халықаралық «Әулиеата» әуежайы мен «Ауыл Береке» және «Атакент» базарларында ҚР Мемлекеттік Әнұраны бір мезетте орындалды.
TURANINFO.KZ
