Оқу жылының басынан бері ведомствоның басшылық құрамы балалар мен жасөспірімдерде құқықтық сананы қалыптастыру мақсатында 120-дан астам дәрістер мен әңгімелесулер, жалпы алғанда полицияның әрбір бөліністерінің қызметкерлері оқу орындарының қабырғасында 1600-ге жуық құқықтық сабақ жүргізді.
Полиция қызметкерлері түсінікті түрде мектеп оқушыларына тәуелділіктің дамуына әсер ететін факторлар, есірткі мен психоактивті заттарды қолданудың салдары, ЖҚЕ сақтаудың маңыздылығы туралы айтады, сондай-ақ кәмелетке толмағандардың қылмыстың құрбаны болуы мүмкін жағдайлар туралы да талқылайды. Сонымен қатар, жасөспірімдермен Қазақстан Республикасы Қылмыстық кодексінің 273-бабына сәйкес терроризм актісі туралы көрінеу жалған хабарлама жасағаны үшін қылмыстық жауаптылыққа тарту мәселелері де талқыланды, себебі осындай деректер еліміздің көптеген өңірлерінде жиі орын алып кетті.
— Кездесулер барысында тәжірибелік жұмыстар жасалды, балаларға өздері де шеше алатындай күнделікті өмірден алынған жағдайлар берілді. Бұл кезде балалар белсенді түрде қатысып, түрлі сұрақтар қояды. Егер кәмелетке толмағандарға жауапкершілік туралы ескертілсе, алдын алу ақпаратымен қамтамасыз етілген олар құқыққа қайшы әрекеттер жасамас бұрын дұрыс ойланады, — деді Жамбыл облысы ПД ЖПҚБ бастығының міндетін атқарушы полиция подполковнигі Манас Әбдікәрімов.
Жамбыл облысы Полиция департаментінің Баспасөз қызметі ведомство басшылары мен жеке құрамның білім беру мекемелеріне баруы күн сайын жүргізілетінін хабарлады. «Полицейлер балалардың денсаулығы мен өмірінен қымбат ештеңе жоқ екенін жақсы түсінеді, сондықтан бұл мәселе маңызды және оған баса көңіл бөлу қажет», — деп атап өтті құқық қорғау ведомствосы.
