Қазіргі таңда Елдос Сметов алтын әкелсе, Ислам Сатпаев пен Александар Ле және дзюдошы Ғұсман Қырғызбаев қола иеленді.

ЕЛДОСТЫҢ ЕРЛІГІ, ӘБИБАНЫҢ КӨЗ ЖАСЫ, ҒҰСМАННЫҢ «ТӨҢКЕРІСІ», АСЛАНБЕКТІҢ ЖЕҢІЛІСІ, ТЕННИСШІЛЕРДІҢ ЖІГЕРСІЗДІГІ, ДОВГУННЫҢ ЖЕТЕ АЛМАҒАН АРМАНЫНА ШӘКІРТТЕРІНІҢ ЖЕТУІ орын алды.

ШОЛУ

Академиялық  есуден Қазақстан командасының өкілі Владислав Яковлев Париждегі Олимпиада ойындарының іріктеу кезеңінде сынға түсті.

Іріктеуде бірінші орынды Жаңа Зеландия өкілі Томаш Макинтош иеленді.

Ал Яковлев 5-нәтиже көрсетті.
Айта кетелік,щирек  финалға алғашқы үш орынды иеленген спортшылар һтеді. Ал қалғандары іріктеуде сүрінді.

Нысана көздеуден Қазақстан командасы Париж  Олимпиадасының  іріктеу сынында сәтті өнер көрсетті.

Пневматикалық  винтовкамен 10 метрге нысана көздеуден аралас командалық сында Ислам Сәтпаев пен Александра Ле өнер көрсетуде. Олар іріктеуде үшінші орыннан көрінді.

Финалдық кезеңде қазақстандықтар қола медальға таласады. Біздің команданың қарсыласы – Германия құрамасы.
Алтын медаль үшін Қытай мен Оңтүстік Корея мергендері таласады.

Ал Константин Малиновский мен Арина Алтухова 27-орыннан көрінді.

Елдос Сметов Париж Олимпиадасын жеңіспен бастады

Дзюдошы Елдос Сметов Париждегі Олимпиада ойындарының алғашқы айналымынан сүрінбей өтті.

60 келі салмақтағы алғашқы айналымда Сметов нидерландылық Торнуке Чакадуамен белдесті.

Кездесу қосымша уақытқа дейін созылып, Торнуке үш ескерту алды. Осылайша, жеңіс Елдосқа берілді.

Келесі кезеңде Елдос Сметов украиналық Ділшот Халматовпен кездеседі. Аталған спортшы өзбек балуанын жарыс жолынан шығарған болатын.

Нысана көздеуден Қазақстан командасы Париж Олимпиадасының қола жүлдегері атанды

10 метрге нысана көздеуден аралас командалық сында Ислам Сәтпаев пен Александра Ле қола медаль жеңіп алды.

Кіші финалда олар Германия құрамасынан басым түсті. Есеп — 17:5.

Осылайша, араға ұзақ үзіліс салып мергендер Олимпиада медалін еншіледі.

Дзюдодан Қазақстан командасының үздігі Абиба Әбужақынова Париж Олимпиадасындағы алғашқы белдесуінде жеңіске жетті.

48 келі салмақта сынға түсіп жатқан Абиба алғашқы айналымда израильдік Шира Ришориден «ваззари» ұпайы бойынша басым түсті.

Осылайша, қазақстандық балуан Олимпиада ойындарының келесі айналымына жолдама алды.

2024 жылғы Париж Олимпиадасында 10 метрге пневматикалық тапанша арқылы нысана көздеуден іріктеу кезеңі өтті.

Бұл сында қазақстандық Никита Чирюкин өнер көрсетті. Өкінішке қарай, ол іріктеуде 16-орын алып, финалға өте алған жоқ.

Айта кетелік, іріктеу қорытындысы бойынша алғашқы сегіз спортшы финалдық кезеңге өтеді.

Теннистен Қазақстан ерлер командасының көшбасшысы Александр Бублик Париж Олимпиадасындың келесі айналымына өте алмады.

Жекелей сындағы алғашқы айналымда ол рейтингте 11-орында тұрған америкалық Тэйлор Фрицпен кездесті.

Өкінішке қарай, екі сетке созылған  матчта Бублик жеңіліс тапты. Есеп — 4:6, 4:6.

Осылайша, Александр Бублик жекелей сындағы Олимпиада ойындарын аяқтады.

Қазақстандық дзюдошы Абиба Әбужақынова Париж Олимпиадасын бесінші орынмен аяқтады

Қола медаль үшін өткен кездесуде Абиба швециялық Тара Бабулфатпен кездескен болатын. Бұл белдесу қазақстандық спортшы үшін сәтсіз өтіп, қарсыласы мерзімінен бұрын жеңді.

Осылайша, Абиба өзі қатысқан алғашқы Олимпиадада жүлдесіз қалды.

Қазақстандық велошабандоз Евгений Федоров Париж Олимпиадасындағы жекелей сынға қатысты.

Ол белгіленген қашықтықты 38:33.98 уақыт көрсеткішінде жүріп өтті.

Нәтижесінде Федоров 21-орыннан көрінді.

Бұл бәсекеде бельгиялық Ремко Эвенепул жеңіске жетті. Екінші орында италиялық Филиппо Ганна, үшінші  орында тағы бір бельгиялық Вут ван Арт.

Елдос Сметов дзюдодан еліміздің тарихындағы тұңғыш Олимпиада чемпионы

Бокстан Қазақстан командасы Париж Олимпиадасын жеңіспен бастады.

Алғаш болып шаршы алаңға Мұхамедсабыр Базарбайұлы шықты.

63,5 келіде сынға түскен Мұхамедсабыр бірінші айналымда испаниялық Ойер Ибареччамен кездесті.

Аталған кездесу қазақстандық боксшының жеңісімен аяқталып, ол 1/8 финалға өтті.

Үстел теннисінен Қазақстан командасының үздігі Кирилл Герасименко Париж Олимпиадасындағы алғашқы ойынында жеңіске жетті.

Ол чилилік Николас Бургостан басым түсті. Есеп — 11:4, 11:5, 12:10, 11:6.

Келесі кезеңде ол Тьягу Аполония (Бразилия) — Дан Цю (Германия) жұбының жеңімпазымен кездеседі.

Париждегі Олимпиада ойындарында бадминтоннан іріктеу матчтары өтуде. Спорттың бұл түрінен Қазақстан намысын Дмитрий Панарин қорғап жатыр.

28 шілде күні қазақстандық спортшы алғашқы матчын өткізді. Оның қарсыласы – жапондық Кента Нишимото.

Бұл кездесуде жапон спортшысы басым болды, есеп – 2:0 (21:5, 21:11).

Айта кетелік, Панарин іріктеу кезеңінде D тобында өнер көрсетуде. Оның келесі қарсыласы – канадалық Брайан Янг.

Дмитрий Панарин бадминтоннан Олимпиадаға қатысқан алғашқы қазақстандық спортшы.

Академиялық есуден Қазақстан командасының өкілі Владислав Яковлев Париж Олимпиадасындағы жұбаныш раундын аяқтады.

Ширек финалға шығу үшін оған бірінші немесе екінші орын алу керек еді.

Алайда, Яковлев бар болғаны төртінші орыннан көрінді. Енді ол E/F тобындағы жартылай финалға қатысады.

Нысана көздеуден Қазақстан командасының мүшесі Александра Ле Париждегі жазғы Олимпиада ойындарының финалына шықты!

Александра 10 метрге пневматикалық винтовкамен нысана көздеуден іріктеу кезеңін алтыншы орынмен аяқтады. Ал финалға алғашқы сегіз спортшы өткенін естеріңізге саламыз.

Арина Алтухова 627.7 ұпаймен 17-орын алды.

Аралық нәтиже бойынша, бірінші орында кореялық Хьеджин Бан орналасты. Ол іріктеуде жиған ұпайы бойынша (634.5) олимпиадалық рекорд орнатты.

Спортшылар медальға ертең, 29 шілде күні таласады.

Нысана көздеуден Қазақстан командасының өкілдері Ислам Сәтпаев пен Константин Малиновский Париждегі Олимпиада ойындарының іріктеу сынына қатысты.

Спортшылар 10 метрге пневматикалық винтовкамен нысана көздеуден финалға өте  алмады.

Ақтық сынға үздік сегіз спортшы өтеді. Өкінішке қарай, қазақстандық мергендер көшбасшылар қатаырна кіре алмады.

Сәтпаев 21, Малиновский 32-орында.

Бұған дейін әйелдер арасындағы турнирде Александра Ле алтыншы орынмен финалға өткен болатын.

Шпагамен семсерлесуден Қазақстан командасының ең тәжірибелі мүшесі Эльмир Алимжанов 2024 жылғы Олимпиаданың 1/16 финалында жеңіске жетті.

Алимжановтың қарсыласы – франциялық Луиджи Мидльтон болды. Қарсыластар өте тартысты жекпе-жек өткізіп, жеңімпаз бір ұпай айырмашылығымен анықталды.

Кездесу 15:14 есебімен Эльмирдің жеңісімен аяқталды.
Айта кетелік, бұған дейін қазақстандық Руслан Курбанов Олимпиаданың 1/8 айналымына шыққан болатын.

Бокстан Қазақстан командасының капитаны Асланбек Шымбергенов Париж Олимпиадасындағы алғашқы жекпе-жекте ұтылып қалды.

71 келі салмақта алғашқы жекпе-жегін өткізген Шымбергенов иорданиялық Зеяд Ишаишке жол берді.

Бірінші раундты төрешілер 3:2 есебімен Асланбекке берген. Екінші раундта да осы есеп сақталды.

Ал үшінші раундта қарсылас белсенді қимылдап, жеңіске жетті.
Осылайша, бокстан Қазақстан командасының бір мүшесі жарысты аяқтады.

Семсерлесуден Қазақстан командасының мүшесі Руслан Курбанов Париж Олимпиадасының ширек финалында жеңіліс тапты.

Жартылай финал жолдамасы үшін таласта Курбанов жапониялық Коки Каномен кездесті.

Өкінішке қарай, қарсылас спортшы кездесу басталған бойда ұпай санымен алға озып, сол басымдықты ең соңына дейін ұстап тұрды.

Қорытынды есеп — 6:15, Каноның еншісінде.

Бокстан Қазақстан әйелдер командасының мүшесі Назым Қызайбай Париж Олимпиадасын жеңіспен бастады.

50 келі салмақта сынға түскен Қызайбай бірінші жекпе-жекте италиялық Джордана Соррентиномен жұдырықтасқан болатын.

Алғашқы раундта қарсыласқа есе жіберген ол кейін басымдықты арттырып, 4:1 есебімен жеңіске жетті.

Айта кетелік, бұл Назымның мансабындағы алғашқы Олимпиада ойындары.

Қазақстандық дзюдошы Ғұсман Қырғызбаев Париж Олимпиадасының қола  жүлдегері атанды!

66 келі салмақта белдескен Ғұсман кіші финалда сербиялық Страхинья Бунчичті «ваззари» ұпайымен жеңді.

Осылайша, ол өз мансабындағы ең ірі жеңістерінің біріне қол жеткізіп, Олимпиаданың қола жүлдегері атанды.

Бұл Париж Олимпиадасында Қазақстан құрамасы жеңіп алған үшінші медаль.

Қазақстандық теннисші Александр Шевченко Париждегі Олимпиада ойындарының бірінші айналымында ұтылды.

Жазғы ойындардың алғашқы айналымында чехиялық Якуб Меншикпен кездесті. Екі сетке созылған матчта Меншик  6:3, 6:4 есебімен жеңіске жетті.

Осылайша, жұптық сында қазақстандық атлеттер қалған жоқ. Ерлер арасындағы жұптық сында Александр Бублик пен Александр Недовесов ойнайды.