Облыстың агроөнеркәсіп кешенін қолдауға 2016 жылы жалпы 15,8 млрд. теңге, оның ішінде 13,6 млрд. теңге субсидия бөлініп, игерілді. Республикалық бюджеттен – 9,6 млрд. теңге, облыстық бюджеттен – 4,0 млрд. теңге қарастырылды.
Ауыл шаруашылығы өнімдерінің жалпы көлемі 2016 жылы 226,7 млрд. теңгені құрады немесе 2015 жылдың деңгейімен салыстырғанда 108,1% болды.
Өткен жылы облыс бойынша ауыл шаруашылығы дақылдары егілген алқаптар 591,7 мың га құрап, 2015 жылмен салыстырғанда 3,8 мың га артық болды.
2016 жылы масақты дақылдардан гектарына орташа түсімділігі 25,6 центнерден (2015 ж. – 16,0 ц/га) өнім алынып, барлығы 651,5 мың тоннаны құрады, көкөніс және бақша дақылдарынан – 988,3 мың тонна өнім алынды.
Есепті кезеңге 26,3 мың га алқапқа нөлдік және минималды технология (2015 ж. – 25,0 мың га), 11974 га алқапқа тамшылатып және жаңбырлатып суару технологиялары енгізілді (2015 ж. – 8147 га).
Облыс бойынша ауыл шаруашылығы мақсатындағы жер көлемі 4 615 459 га құраса, оның ішінде егістігі — 763 169 га (оның ішінде суармалысы — 172 905 га), көпжылдық екпелер — 3 139 га, шабындық — 88 702 га, жайылымдық — 3 620 483 га, басқа да жерлер — 139 966 га құрайды.
Бүгінгі күнге облыс бойынша жалпы аумағы 25,24 га алқапты құрайтын жылыжайлар орналастырылған, оның ішінде 2 га құрайтын 2 өнеркәсіптік жылыжай 2016 жылы іске қосылған.
Шаруашылықтың барлық санаттарында 113,5 мың тонна ет өндірілді, бұл 2015 жылмен салыстырғанда 5,3%-ға артық, 295,1 мың тонна сүт (1,0%-ға өсті), 5,3 мың тонна жүн (1,3%-ға өсті), 107,4 млн. дана жұмыртқа (7,6%-ға төмендеген) өндірілді.
Облыстағы мүйізді ірі қара малдың саны 320,6 мың басты құрап, 2015 жылмен салыстырғанда 1,6%-ға артты, қой мен ешкі саны – 2467,6 мың басты (2,2%-ға артты), жылқы – 105,0 мың басты (1,6%-ға артты), түйе – 5,8 мың басты (2,4%-ға артты), шошқа – 31,5 мың басты (1,5%-ға артты) құрады.
2016 жылы «Сыбаға» бағдарламасы шеңберінде 78 шаруа қожалықтарына 922,9 млн. теңгеге несие беріліп, оған 5527 МІҚ басы сатып алынды. «Алтын асық» бағдарламасы бойынша 46296 бас қой, «Құлан» бағдарламасы бойынша — 2165 бас жылқы сатып алынды.
Репродуктор құру мақсатында Мойынқұм ауданындағы «Агрофирма Түрікпен» ЖШС Ресейден 1206 бас ет бағытындағы ірі қара малын сатып әкелді.
2016 жылы облыстың агроөнеркәсіп кешені саласында 24,1 млрд. теңгені құрайтын 1507 инвестициялық жоба, оның ішінде 160 ірі инвестициялық жоба жүзеге асырылды.
АУЫЛ ШАРУАШЫЛЫҒЫ ЖЕРЛЕРІН ПАЙДАЛАНУ
Облыста 2016 жылы жүргізілген егістік жерлерді қайта айналымға қосу жұмыстарының нәтижесінде 2015 жылы игерілмеген 62,3 мың га ауыл шаруашылығы егістік жерлердің 27,1 мың га қайта айналымға қосылды.
