«Өмір құндылықтарын қалыптастыру» тақырыбында тренинг сабақтары өтті
2017 жылдың 17-19 тамызы аралығында Жамбыл облысы, Жуалы ауданы, «Тау самалы» оқыту-сауықтыру кешенінде Жамбыл облысы әкімдігі білім басқармасының мемлекеттік әлеуметтік тапсырысы шеңберінде «Қазақстанның болашағы үшін» білімгерлер мен жастардың Тараз бірлестігі» қоғамдық бірлестігінің ұйымдастыруымен девиантты мінез-құлықты 50 жасөспірімдерге арналған «Өмір құндылықтарын қалыптастыру» тақырыбында тренинг сабақтары өтті.
Тренингке Жамбыл облысы Байзақ, Қордай, Жамбыл, Меркі, Т.Рысқұлов, Шу аудандары мен Тараз қаласындағы ішкі істер департаментінің ювеналды полициясында тіркеуде тұрған жалпы орта білім беретін мектептердің девиантты мінез-құлықтағы жасөспірімдері және олардың жетекшілері қатысты.
Жалпы білім беретін мектептердегі оқушылар арасындағы құқық бұзушылықтың алдын-алу және мектептердегі девиантты мінез-құлықтағы жасөспірімдердің өмірге деген көзқарастарын оңалту мақсатында ұйымдастырылған іс-шара өз деңгейінде өтті.
Үшкүндік тренинг сабақтарын Алматы қаласынан психолог, тренер-коуч, кеңесші В.Мальчиков пен «Оңтүстік Арылу» қоғамдық бірлестігінің төрағасы Д.Бағжанов жүргізді.
Тренингтің қорытындысы бойынша барлық жасөспірімге және белсенді қатысқан жетекшілерге сертификаттар тапсырылып, белсенді оқушылар дипломдармен марапатталды.
TURANINFO.KZ
