Қазақстан Республикасы Ақпарат және қоғамдық даму министрлігі Асқар Омаров Президенттің Жарлығы аясында жұмыс сапардың бірінші күнінде Жамбыл облысы әкімдігі дін істері басқармасының жұмысымен танысып, үкіметтік емес ұйымдардың, бұқаралық ақпарат құралдарының басшылары, жастармен кездесті. Министрмен бірге Этносаралық қатынастарды дамыту комитет басшысы Ғалым Шойкин, Дін істері комитетінің басшысы Ержан Нукежанов келді.
МИНИСТР ҮЕҮ, БАҚ басшылары жастармен кездесуде не айтылды?
Асқар Омаров кездесулерде жалықтырған есеп оқымай, “сұрақ-жауап” арқылы дискуссия өткізді.
Үкіметтік емес ұйым басшылары министрден мемлекеттік әлеуметтік тапсырыстын есебін жеңілдету, Қоғамдық кеңестер бойынша орын алған жағдай туралы, аутизммен ауыратын балалардың әлеуметтендіру секілді маңызды мәселелер көтерілді. Тараз қалалық Қоғамдық кеңестің жұмысымен танысты.
Жергілікті телеарна, басылым мен сайт директорлары мемлекеттік ақпараттық тапсырыстың жеңілтдетуін, журналисттердің құқықтарын қорғау мен “гонорары”, жантүршігерлік контенті тыйым салуға байланысты мәселелер көтерілді.
Жастармен кездесуде “Ассамблея жастары” жастар қоғамдық бірлестігінің белсенділері тіл үйрену курстары, “Қоғамдық келісім” мекемесінің жұмысын зерделеу, ҮЕҰ арналған мемлекеттік грант алушылардың жұмыстары туралы, мемлекеттік бағдарламаларды бірдейлендіру, “Дипломмен ауылға!” бағдарламасын туралы мәселелер көтерілді. Кездесу соңында жастар күніне орай, министр қолынан арнайы алғыс хатты Нұрсұлтан Манатбеков пен Қуат Ақбаев алды.
Ақпарат және қоғамдық даму министрі Асқар Омаровтың жұмыс сапарының екінші күні Мойынқұм ауылында өтті. Министр мойынқұмдықтардың сан алуан сауалдарына жауап беріп, жеке қабылдау өткізіп, аудандық мешіт имамдарымен кездесіп, “Мойынқұм таңы” газетінің ұжымының жұмысымен танысты.
МОЙЫНҚҰМДЫҚТАРДЫҢ САУАЛДАРЫ ҚАНДАЙ БОЛДЫ?
Мойынқұм ауданы жұртшылығымен кездесу екі сағатқа жалғасты. Аудандағы газ, ауыз су, ұялы телефон және интернет байланысы, жедел жәрдем, көп балалы аналардың жәрдемақысы мәселелері айтылды.
Қылышбай ауылынан келген зейнеткер Света Сәкиева жолды асфальттау, ұялы байланыс, ауыз су сапасының жайын жеткізді. Көпбалалы аналар міндеттелген әрбір балаға берілетін 32500 теңгенің әрбір балаға емес, бір балаға беріліп жүргендігі туралы айтылды. Министр көпбалалы аналардың мәселесі дәлелденсе, 32500 теңгені әрбір балаға берілетіндігі туралы уәде етті.
Министр жұртшылықпен кездесуден кейін БАҚ өкілдеріне брифинг өткізіп сауалдарына жауап берді. Сонымен қатар, аудандық мешітте болып, Құран оқылып, имамдармен жүздесті. Имамдармен жалақы мәселесін көтерді. Бірақ министр мемлекет діни бірлестіктердің жұмысына араласа алмайтындығын айтты.
“Мойынқұм таңы” газетінің жұмысын көрген министр газет ұжымына алғысын білдірді. Арнайы алғыс хатпен марапаттады.
РЕДАКТОР ҰСЫНЫСЫ ҚОЛДАУ ТАПТЫ
Министр Асқар Омаровқа Ақпарат және қоғамдық даму саласындағы қоғамдық кеңес мүшесі, “Жамбыл облысы Азаматтық Альянсы” ЗТБ президенті, “Жамбыл облысы жастар ұйымдарының Қауымдастығы” ЗТБ президенті, “TURANINFO.KZ” ақпарат агенттігінің бас редакторы Исламбек Дастан біршама мәселерді қағаз жүзінде беріп, оның ішінде министрлікте қызмет атқаратын басшыларды өңірлерге жиі келіп, пікір алмасып, ал жергілікті жердегі білікті мамандар орталық органдардың жұмысымен танысып, біліктілерін министрлікке тарту үрдісі ұсынылды. Асқар Қуанышұлы “Кадрлық лифтіні” қолдайтындығын және министрлік пен комитет қызметкерлері өңірлерді аралау бойынша кесте жасалатындығы туралы айтып кетті.
TURANINFO.KZ
