«Жамбыл облысы жастар ұйымдарының Қауымдастығы» заңды тұлғалар бірлестігінің президенті Әбдиев Еркін Қайырбекұлы алғаш болып сөз алып, тақырып аясында ой өрбітті.
-«Қазіргі таңда мектепте түрлі мәселелер орын алады. Соның ішінде оқушылардың тәрбиесі үнемі назарда болуы маңызды. Әлемнің екінші ұстазы Әбу Насыр Әл-Фараби айтқандай: «Тәрбиесіз берілген білім – адамзаттың қас жауы». Сондықтан, үнемі тәрбие ісіне мән беру алдыңғы орында болуы тиіс», — деп атап өтті.
1989 жылғы 20 қарашадағы БҰҰ Бас Ассамблеясының 44/25 қарарымен қабылданған және 1994 жылы ҚР ратификациялаған Бала құқықтары туралы Конвенцияның 1-бабына сәйкес «әрбір адам баласы 18 жасқа толғанға дейін, егер осы балаға қолданылатын заң бойынша ол кәмелеттік жасқа бұрынырақ толып қоймаса, бала болып саналады» делінеді. «Бала құқықтары туралы» ҚР Заңының 1-бабына сәйкес «бала – он сегіз жасқа (кәмелетке) толмаған адам» деп сипатталады. Зерттеулерге сәйкес, миллиондаған бала – үйдегі, қоғамдағы немесе мектептегі зорлық-зомбылықтың құрбаны немесе куәгері. 2020 жылғы балаларға қатысты зорлық-зомбылықтың алдын алу саласындағы әлемдегі жағдай туралы жаһандық баяндаманың деректері көрсеткендей, жыл сайын әлемде жарты немесе шамамен 1 миллиард бала физикалық, жыныстық немесе психологиялық зорлық-зомбылыққа ұшырайды, соның салдарынан олар жарақат алады, мүгедек болып қалады немесе өледі, себебі балаларды қорғау бойынша қабылданған стратегиялар тым сирек орындалады. Жаһандық деректер мынандай мәселе бар екендігін көрсетеді. – Жыл сайынғы статистика 0 мен 17 жас аралығында 40 150 бала өлімі болатынын айтады. – Оның ішінде 28 160 ұл бала және 11 990 қыз бала. – 2 жастан 4 жасқа дейінгі балалардың төрттен үш бөлігі ата-аналары мен қамқоршысы тарапынан үнемі физикалық және психологиялық зорлық-зомбылық көреді. – Мектепте қорлық көрген 11-15 жас аралығындағы балалардың мектепті сәтті аяқтау мүмкіндігі 13%-ға төмен. – Кішкентай және 20 жасқа толмаған 120 миллион қыз сексуалдық зорлық-зомбылық құрбаны болған. – Әйелдерде интимдік жұптарының физикалық немесе жыныстық зорлық-зомбылығының құрбаны болу ықтималдығы 16 есе жоғары. – 5 жасқа дейінгі әрбір төртінші бала анасының интимдік жұбының зорлық-зомбылығының куәсі болған. – Физикалық, жыныстық және психологиялық зорлық-зомбылықты қоса алғанда, балалық шақтың 4 немесе одан да көп жағымсыз тәжірибелерінен өткен ересектер тұлғааралық зорлық-зомбылықтың құрбаны немесе агрессоры болу қаупіне көбірек ұшырайды және оларда суицид қаупі жоғары.
Тақырып аясында айтылған түрлі ститистикалық мәліметтер мен проблеманың тереңдігі аудиториямен кері байланыс орнатуға түрткі болды. Жиынға қатысушылар өз тараптарынан сұрақтарын қойды. Өз кезегінде сөз алған білікті психолог Марал Хантөреқызы кәсіби кеңестерімен бөлісті. Мектептегі зорлық-зомбылық фактілерін алдын-алу, ата-анамен, оқушылардың психологиясымен жұмыс жайына тоқталды.
Әлемде қазіргі ең өзекті мәселелердің біріне айналып отырған – бұл жасөспірімдердің, балалардың зорлық – зомбылыққа ұшырауы. Балалар үйінде, мектепте,көшеде және басқа да жерлерде қатыгездік пен зорлық – зомбылықпен ұшырасып отыруы мүмкін. Баланың болашақта қандай азамат болуы оның мектепте, отбасында қоршаған ортада алған тәрбиесіне байланысты. Балалар да, ересектер сияқты сыйлау, қол тигізбеу және адамзаттық абыройын сақтау құқықтарына ие, сондай-ақ Адам құқықтарының жалпыға ортақ декларациясы мен Азаматтық саяси, экономикалық, әлеуметтік және мәдени құқықтар туралы көзделген заң тарапынан да тең қорғау көрсетілуіне құқылы. Зорлық балалардың денелік және психологиялық денсаулықтары және жан-жақты дамулары үшін ауыр машақат болып табылады. Балаларға қатысты зомбылықтың алдын алу және бағытталған профилактикалық сипаттағы шараларды жүргізуде ақпараттық үгіттеушілік жұмыстарды өткізу бүгінгі күннің басты талабы болып табылады.
