Ұлттық баяндаманы талқылау бойынша жиын өтті

«Сыбайлас жемқорлыққа қарсы іс-қимыл туралы» Қазақстан Республикасы Заңының (бұдан әрі – Заң) 17-бабына сәйкес әзірленген
2018 жылғы Сыбайлас жемқорлыққа қарсы іс-қимыл туралы ұлттық баяндама Президентпен мақұлданып, сыбайлас жемқорлықтың халықаралық және ұлттық деңгейлерде таралу жай-күйі мен үрдістерін талдау мен бағалау, сыбайлас жемқорлыққа қарсы саясатты қалыптастыру, іске асыру және жетілдіру жөніндегі ұсыныстар қамтылған құжат Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің ресми-сайтында жарияланды.
Осыған орай, сыбайлас жемқорлыққа қарсы қозғалысқа бүкіл қоғамды тарту мақсатында 2019 жылдың 29 сәуірде сағат 12.00-де Ұлттық баяндаманың қорытындылары мен ұсыныстарды талқылау жөнінде облыстық бірыңғай сағаты мемлекеттік органдар мен мекемелерде, құқық қорғау және сот органдарында, саяси партиялар, этномәдени және діни ұйымдарда өтті.
М.Х.Дулати атындағы Тараз мемлекеттік университетінде өткен бірыңғай сағатына Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басшысы Равиль Төлебаев қатысып, Ұлттық баяндаманың маңызына тоқталып, ұсынысын айтты.