2024 жылға арналған әлеуметтік-экономикалық дамуының қорытындылары бойынша орындалмаған индикаторлар негізінде рейтинг жасақталды.

Жамбыл облысының 2024 жылғы бюджеті 777,6 млрд теңгені құрады.

Жамбыл облысының негізгі әлеуметтік-экономикалық дамуы көрсеткіштерінің орындалмаған үш көрсеткіш бар. Олар: ауыл шаруашылығы, инвестиция, жеке инвестиция. Өткен жылы бөлшек сауда мен ауыл шаруашылығындағы межеленген көрсеткіштерге жетпей қалған еді.

Аутсайдерлер:

11 орын. Шу ауданы әкімдігі.

Аудан әкімі Бақытжан Жәнібеков. Ауданмен бес көрсеткішке жетпеген. Олар: Өнеркәсіп, ауыл шаруашылығы, инвестиция, жеке инвестиция, құрылыс. Сонымен қатар, 2024 жылы әкімнің орынбасары болған Бақыт Бетбаев облыс әкімдігі ветеринария басқармасының басшысы болып, орнына жас Серікхан Пернеш жайғасқан болатын. Серік Сәрсенбеков зейнет жасына жақындағандықтан жақында жылы орнын босататын болады. Ал, аппарат басшысы Нариман Абай Мемлекеттік басқару академиясына оқуға түсіп орнына сенімді серігі, қызметтегі жылы «креслосын» өңірлік кадрлық резерв мүшесі Балаби Түменбаев жайғасты.

10 орын. Байзақ ауданы әкімдігі.

Аудан әкімі Олжас Баққараев. Олжас Елебекұлы желтоқсан айында тағайындалған болатын. Аудан 2024 жылдың басын Бақыт Қазанбасов әкімімен бастаған болатын, жыл ортасында зейнет жасына жеткендіктен уақытша міндетін атқаруға Болат Сағынбеков алып жүріп үш әлеуметтік-экономикалық дамуының көрсеткіштеріне жетпеген. Олар: инвестиция, жеке инвестиция, тұрғын үй.

Кадрлық өзгерістерден әлеуметтік салаға жауапты орынбасарлыққа облыс әкімдігінен Рүстем Қасымов, аппарат басшысы болып облыстық әкімдіктін бөлім басшысы Асылжан Құрманов ауысқан болатын.

ОРТА:

Рейтингтің үздігі немесе аутсайдері емес, 4-9 орындарға жайғасқан орта шептегі әкімдіктерді тізбектейік. Әкімдіктер екі индикатордан орындалмаған болатын.

Сарысу ауданы әкімдігі.

Аудан әкімі Сакен Мамытов. 2024 жылы Мамытовтың үш орынбасары ауысты. Аманов, Серимов қызметтерінен кетіп, үшінші орынбасарлық жылдың басында вакансия болды. Әлеуметтік салаға облыстық әкімдіктен Ерлан Ермағанбетов, құрылыс пен бюджет саласына Жанғозы Жаркенов, 2025 жылдың басында Нұрлан Молдабековты жайғастырды.

Сакен Үмбетұлы 2024 жылға арналған әлеуметтік-экономикалық дамуының қорытындылары бойынша орындалмаған индикаторлары: инвестиция және жеке инвестиция. Осы көрсеткіштердің жартысына ғана жеткен. Өнеркәсібі туралаған ауданда инвестиция мен жеке инвестиция орындалмауында әкімдіктін бюрократиялық мүмкін, басқа себептермен инвестиция көздері келмеуде.

Мойынқұм ауданы әкімдігі.

Аудан әкімі Ермек Кәрентаев. Қыркүйек айында әкім ретінде Ермек Амангелдіұлы тағайындалған болатын. Жылдың басы Әлихан Балқыбековпен басталып, міндетін атқарушы әкім істі болып сотталып кетті. Сотты болған әкім орынбасары лауазымына Байзақ ауданы әкімінің аппарат басшысы Еркін Заурбеков келді.

Орындалмаған индикаторлар: ауыл шаруашылығы мен жеке инвестиция.

Қордай ауданы әкімдігі.

Аудан әкімі Бегзат Болатбеков. 2023 жылдың қорытындысы бойынша аутсайдер болып, осы жылы рейтингтін ортасынан табылғандығы жұмыстың реттілігімен үйлестіру жұмыстары жүргізілген болар. 2024 жылға арналған әлеуметтік-экономикалық дамуының қорытындылары бойынша орындалмаған индикаторлары: инвестиция және жеке инвестиция.

2024 жылы «Сақалды құрылыс» болып қалған Еңбек ауылындағы спорт комплекс ауыл тұрғындарының пайдалануына берілді.

Тұрар Рысқұлов ауданы әкімдігі.

Аудан әкімі Ернар Есіркепов. Ауданда 2024 жыл «Томирис» лақап атымен әлеуметтік желіге танылған Тереңөзектік тумасы үшін аудан әкімінің орынбасары Әлібек Терлікбаев өз өтінішімен қызметінен босап, орнына Тараз қаласы әкімінің орынбасары лауазымынан Қайрат Исмаил ауысты.

2024 жылға арналған әлеуметтік-экономикалық дамуының қорытындылары бойынша орындалмаған индикаторлары: жеке инвестиция және құрылыс.

Жуалы ауданы әкімдігі.

Аудан әкімі Жалғас Мұртаза. Аудан әкімдігінің аппарат басшысы ауысты. Ратбек Кусембаев аудан орталығы Бауыржан Момышұлы ауылдық округі әкімі болып сайланып орнына Жұмылдыру дайындығы басқармасының басшысы Жасөркен Жақсылық тағайындалды. Рақымғазы Куниязов алдағы уақытта зейнетке шығады.

2024 жылға арналған әлеуметтік-экономикалық дамуының қорытындылары бойынша орындалмаған индикаторлары: өнеркәсіп және жеке инвестиция.

Жалғас Алижанұлы аудандағы «сақалды құрылыстар» болып кеткен Қайрат ауылындағы мәдениет үйі мен Бауыржан Момышұлы ауылындағы орталық саябақ жанындағы спорт кешені қолданысқа берілді.

Тараз қаласы әкімдігі.

Қала әкімі Бақытжан Орынбеков. Қала екі ауданға біөлінді. Оңтүстік аумағы — Жібек жолы, солтүстік аумағы — Әулиеата аталды.

Қала әкімінің орынбасарлығына Нұрсұлтан Исабеков пен Улана Сламбекова тағайындалды.

2024 жылға арналған әлеуметтік-экономикалық дамуының қорытындылары бойынша орындалмаған индикаторлары: инвестиция және жеке инвестиция.

ҮЗДІКТЕР.

3 орын. Меркі ауданы әкімдігі.

Аудан әкімі Ербол Жиенқұлов. Ербол Жұмабекұлы желтоқсан айының соңында тағайындалған болатын. Оған дейін абыроймен ауданды Жорабек Баубеков басқарған болатын. Аудан әкімі орынбасары лауазымынан зейнетке шыққан Бақытхан Әбжаппаровтың орнына Ернар Әбілдаев тағайындалды. Аппарат басшысы лауазымы қазіргі уақытта бос вакансия болып тұр.

Қазіргі таңда Жорабек Нұрмегенұлы Жамбыл облысы әкімінің кеңесшісі лауазымында қызмет атқаруда.

2024 жылға арналған әлеуметтік-экономикалық дамуының қорытындылары бойынша орындалмаған индикаторы: ауыл шаруашылығы.

2 орын. Жамбыл ауданы әкімдігі.

Аудан әкімі Ерлан Қыдыралыұлы. Жамбыл ауданы әкімінің орынбасары болған Ербол Жиенқұлов Меркі ауданына әкімі болып тағайындалды. Ауданның көп аумағы мен халқы Тараз қаласына кіргендіктен ауданның бюджеті біршама азаяды.

2024 жылға арналған әлеуметтік-экономикалық дамуының қорытындылары бойынша орындалмаған индикаторы: өнеркәсіп.

1 орын. Талас ауданы әкімдігі.

Аудан әкімі Нұрбол Жүнісбеков. Талас ауданы әкімдігі межелеген барлық индикаторларды толықтай орындап шыққан. Аудан атқамінерлері жұмысты дұрыс жоспарлап, межеленген индикаторларға жете білген.

Жамбыл облысының 85 жылдығы аясында ұйымдастырылған«Мәдениет – асыл қазынам» мәдениет күндерінің қорытындысы бойынша Талас ауданы бірінші орын алған болатын.