Кездесуге «Жамбыл облысы жастар ұйымдарының Қауымдастығы» ЗТБ-нің президенті — Әбдиев Еркін Қайырбекұлы, медицина қызметкерлері мен полиция қызметкерлері және колледж студенттері қатысты.
Шараның негізгі мақсаты – жастар арасында құқықтық білімді арттыру, олардың құқықтарын қорғау және есірткі мәселелері бойынша ақпараттандыру. Қазіргі кезде жастар арасында зиянды әдеттердің азаймай тұрғанын, оның салдары неге әкеліп соғатынынан хабардар ету. Болашақтарына нық сеніммен қарау үшін қазірден зиянды әдеттерге жоламауды түсіндіру.
Шараны бастап «Жамбыл облысы жастар ұйымдарының Қауымдастығы» ЗТБ-нің президенті — Әбдиев Еркін Қайырбекұлы – жастармен еркін форматта сөйлесіп, тақырыпты ашып берді. Зиянды әдеттердің қалай басталатынын, оның денсаулыққа қаншалықты зиян тудыратынын айтты. Бұл әдеттің көбінесе жасөспірімдің кезеңде болатынын, оған адамның ортасының әсер ететінін айтты. Сөз соңында жастарды бұндай әдеттерге жоламауға шақырды.
Өз кезегінде медицина қызметкерлері – зиянды әдеттердің медицина тұрғысынан зияндылықтарын, қаншалықты тәуелділікті тудыратынын тағы да басқа көптеген кеңестерін айтты. Осындай зиянды әдеттері бар жасөспірімдерге ертерек медициналық тұрғыдан көмек алып, құтылу керек екенін айтты. Бұл әдеттердің арты жақсылықпен аяқталмайтынын, өмірлерін бұндай болмашы қателік үшін қиюға тұрмайтынын айтты.
Полиция қызметкерлері өз кезегінде – нашақорлықтың арты немен аяқталатынын, осындай зиянды заттарды тұтынғаны үшін немесе тасылмадағаны үшін бірнеше жылға бас бостандығынан айырылатындығын ескертті. Қазіргі кезде көптеген жастар осы мәселе бойынша зардап шегіп жатқанын айтты. Жасөспірімдер арасында бұл қалай өрбитінін түсіндерді. Егерде таныстары осындай жолға шақырса дер кезінде полиция қызметкерлеріне жеткізу керектігін айтты.
Шара соңында әдеттегідей сұрақ-жауап болып, жастар өздеріне керек жауаптарын алды. Шараға 50-ге жуық жастар қатысты. Шараның ақпараты әлеуметтік желілерде жарияланды.
