«Jastarga-кеnes» жобасы аясында мемлекеттік бағдарламалар мен жобалар туралы жастарға кеңес беру және ақпараттандыру мақсатында 397 ақпараттық кеңес беру алаңдары ұйымдастырылған.
Облыста NEET санатындағы жастардың электронды дерекқоры жасақталып, Тараз қаласы мен аудан әкімдіктері олармен адрестік жұмыстар жүргізілді. NEET санатындағы жастармен жұмыстарды жандандыру мақсатында облыстық «JAMBYL CUP», базар жастары арасында «Дүйсенбілік футбол» сынды спорттық жобасы қолға алынды. Жастарды мемлекеттік бағдарламаларды түсіндіруге тарту мақсатында жастарға кеңес беру автокеруені облыс аудандарына, шалғай жатқан ауылдық жерлерге шығарылып келеді. Керуенге облыстық деңгейдегі 22 мемлекеттік және мемлекеттік емес органдардың өкілдері мен барлығы 386 іс-шара өткізіліп 9 946 жас қамтылған.
Облыс әкімінің орынбасарымен (2021 жылдың 28 қаңтарында) «NEET және пробация тізімінде тұрған жастармен» 2021 жылғы арналған іс-шаралар жоспары бекітілген. Іс-шаралар жоспарында нақты индикаторлық көрсеткіштер айқындалған. Жоспар бойынша жыл басынан 26 бос жұмыс жәрмеңкелері ұйымдастырылған. Жастарды жұмыспен қамту және жұмысқа орналастыру мәселелері бойынша 64 қоғамдық тыңдаулар өткізілді. «Jastarga-bilim» бейресми білім беру арқылы әлеуметтік желілердегі (Instagram, Fakebook, YouTube және т.б.) тікелей эфирлер арқылы 93 онлайн мастер — класстар өткізілген.
Облыс әкімінің бастамасымен облыста мемлекеттік жастар саясатын дамытудың 2021-2025 жылдарға арналған «Әулиеата жастары» өңірлік бағдарламасы бекітілді. Аталған стратегиялық бағдарламада NEET жастардың санын азайту, жұмыссыздық деңгейін төмендету, жас отбасыларды тұрғын-үймен қамтамасыз ету бойынша нақты шаралар көзделген. Бағдарлама аясында бес жылда жастар тәжірибесіне — 5 мыңнан астам жас, ваканттық бос жұмыс орындарына 25 мың жас, ақылы қоғамдық жұмыстарға 9 мың жас, кәсіпкерлік негіздеріне 4 мың жас, шағын несиелендіруге 3 мың жас тартылатын болады.
Жамбыл облысының жастарына жеңілдікпен кредит беруге арналған «Әулиеата жастары» бағдарламасының жобасы әзірленіп, облыс әкімдігінде мүдделі мекемелермен талқыланды. Жоба облыс әкімдігінінде өткен аппараттық кеңесте облыс әкімі Б.Сапарбаевтың төрағалығымен және үкіметтік емес жастар ұйымдарының қатысуымен өткен кеңестерде талқыланып, сын ескертпелер қосылды. Одан бөлек, облыстық мәслихат пен қоғамдық кеңеске де жобаны талқылау үшін арнайы хат жолданған. Аталған жоба қолдау тапса облыс жастарын тұрғын үймен қамтуға өз септігін тигізері анық.
Материал Жамбыл облысы әкімдігінің ішкі саясат басқармасының тапсырысы бойынша дайындалды
