Азаматтық қоғамның дамуына арналған халықаралық «BARCAMP–2022» іс-шарасы үшінші мегаполистен басталып, күнгейдің табиғат аясындағы «ЭКО вилладж Қасқасу» жалғасып, Түркістан қаласында түйінделді. Алғаш рет қызықты форматта қолға алынып отырған 3 күндік іс-шараға Қазақстанның барлық өңірлерінен бөлек көрші Өзбекстан, Қырғызстан және Тәжікстан мемлекеттерінен үкіметтік емес ұйымдар, мемлекеттік орган делегаттары мен қоғам белсенділері қатысты
Шымкенттегі «Азаматтық ресурстық орталық» алаңында еліміздің әр өңірінен келген және шетелдік үкіметтік ұйым өкілдері бас қосып, өзара танысты. Алғашқы сөзді алған Шымкент қалалық Азаматтық Альянс төрағасы Жұмағали Білісбеков қатысушыларды таныстырып өтті. Одан кейін көпшілікке «BARCAMP–2022» модераторлары мен іс-шараның жалпы бағдарламасы таныстырылып, шымкенттік және басқа қалалардағы үкіметтік емес ұйымдар өздері туралы баяндады.
– Іс-шараның басты мақсаты – мемлекеттік органдар мен азаматтық қоғам өкілдері болып табылатын үкіметтік емес ұйымдар болып, бірігіп, әрі қарай азаматтық қоғамды дамытуға қажет стратегиялық бағыттарды анықтау, қолданыстағы заңнамаларды жетілдіру бойынша ұсыныстар мен кеңестерді талқылау. Үш күндік ақылдасу барысында азаматтық қоғамды дамытуға қатысты пәрменді шаралар анықталады деп күтіп отырмыз. Пікірталас арқылы нақты қадамға келу – маңызды, – дейді ҚР Ақпарат және қоғамдық даму министрлігі азаматтық қоғам істері комитетінің басқарма басшысы Жанаргүл Әлжанова.
Қасқасудан кейін еліміздің түкпір түкпірінен келген қонақтарға Қарашаш ана, Ибрагим ата, Қожа Ахмет Йасауи мавзолейі таныстырылды. Сонымен қоса, Түркістан қаласында «Ауылдық жерлерде үкіметтік емес ұйымдарды дамыту» бойынша Республикалық форумы өтті. Форумды Түркістан облысы Қоғамдық даму басқармасының басшысы Өсербаев Аңсар, «Қазақстанның Азаматтық Альянсы» заңды тұлғалар бірлестігінің Президенті Нұрғазиева Бану ашып, алыс жақын шетелден келген қонақтар сөз алып үкіметтік емес ұйымдардың даму бағдарламаларымен таныстырды.
«BARCAMP–2022» іс-шарасын өтуіне ұйымдастырушылық пен демеушілік бергендерді атап өтеп жөн, олар: Қазақстанның Азаматтық Альянсы, Шымкент қалалық Азаматтық Альянсы, Түркістан облысы Азаматтық Альянсы, «Bi group shymkent» ЖШС, «Бал текстиль» ЖШС, Қазақстандағы Біріккен Ұлттар Ұйымының Даму бағдарламасы көмектерін берді.
