«Ардагерлеріміз-Ардақтыларымыз» мемлекеттік гранты аясында халыққа әлеуметтік қызмет көрсету, қиын жағдайларға тап болған азаматтарға қолдау көрсету және оларды еңсеру жолдарын талқылау мақсатында дөңгелек үстел ұйымдастырылды. Іс-шараға уәкілетті органдардың өкілдері мен ардагерлер қауымы қатысып, өзара пікір алмасты.
Бұл дөңгелек үстел қоғамның әлеуметтік осал топтарына көмек көрсету механизмдерін жетілдіру жолында бірегей платформаға айналды. Қатысушылар халықтың күнделікті тұрмысында кездесетін қиындықтарды жеңілдету үшін жаңа идеялар мен бастамаларды талқылады.
Шара барысында келесі тақырыптар қозғалды:
1. Әлеуметтік қызметтердің тиімділігін арттыру жолдары;
2. Ардагерлердің өмірлік тәжірибесін әлеуметтік жобаларға тарту;
3. Қоғамның осал топтарына көмек көрсетуге бағытталған бағдарламалар.
Ардагерлер бұл мәселелер бойынша өз ұсыныстарын ортаға салып, тұрғындардың қажеттіліктеріне жауап берудің маңыздылығын атап өтті.
