Мәселен, биыл Жамбыл облыстық «Радонеж» орыстар қоғамдастығы «Баласағұн» ОКЗ «Рождество» және Шахристан мәдени-тарихи кешенінде «Масленица» мерекелік шараларын өткізді.
Облыстық және қалалық өзбек этномәдени бірлестіктерінің ұйымдастыруымен Тараз қаласында Халықаралық ана тілі және Алғыс айту күніне орай Шымкент қалалық Өзбек драма театры «Тановор» спектаклін қойды. Қойылымда Өзбек этносының төл мәдениетінен хабар беретін бірқатар салт-дәстүрлер енгізіліп, шынайы этнофольклор бейнеленді.
Тараз қаласы тарихи-өлкетану мұражайында «Полонез» поляк тіл және мәдениет орталығы әнші Анна Германның өмірі мен шығармашылығына арналған «Біздің махаббат пен естелік» атты кеш өткізді.
Гуманитарлық-техникалық колледжінде «Қазақстан татар және башқұрттар конгресі» республикалық қоғамдық бірлестігінің Жамбыл филиалының жетекшісі Ф. Нақыштың ұйымдастыруымен Алғыс айту күніне арналған мерекелік концерт өтті. Іс-шараға этномәдени бірлестіктер, «Ассамблея жастары» өкілдері қатысты.
Жамбыл облысы, Жамбыл ауданы, Гродеково ауылында күрді және татар-башқұрт этномәдени бірлестіктері төрағаларының қатысуымен Алғыс айту күніне арналған мерекелік іс-шара өтті. Концертке этномәдени бірлестіктері мен аудан әртістері және балалар ұжымдарының шығармашылық топтары ән шырқап, би билеп, көрермендерге тамаша мерекелік көңіл-күй сыйлады.
Достық үйінде Жамбыл облысы Немістер қоғамы «Wer weiß denn sowas» зияткерлік ойындар сериясының отырыстарын, 2023 жылға есеп беру отырысын, Халықаралық әйелдер күніне арналған мерекелік концертін өткізді.
Өз кезегінде мұндай белсенді шаралар ұлттар арасындағы мызғымас достықты нығайтып, олардың қоғамдағы рөлін нығайта бермек. Ассамблея мүшелерінің мұндай мәдени шаралары жыл соңына дейін тұрақты ұйымдастырылып, еліміздің татулықты ту еткен саясатын нығайта түсері анық.
Мақала Жамбыл облысы әкімдігі ішкі саясат басқармасының ақпараттық саясаты тапсырысы негізінде жарияланды
