Аталмыш шара «Шерхан Мұртаза атындағы Руханият және тарихтану орталығында» өткізіліп, қатысушыларға репродуктивті денсаулықтың мәні, ерте жүктіліктің салдары мен алдын алу жолдары туралы құнды ақпараттар берілді.
Семинарға Жамбыл облысының денсаулық сақтау басқармасының «Жан-нұр» жастар денсаулығы орталығының психологы Гүлзира Бекболатқызы Қалдыбаева қатысып, жастармен ашық сұхбат жүргізді. Гүлзира Бекболатқызы өз сөзінде ерте жүктіліктің әлеуметтік, психологиялық және физикалық салдарын терең түсіндіріп, оның алдын алу жолдарын талқылады. Ол жастардың репродуктивті денсаулыққа деген жауапкершілігін арттыру, жыныстық білім мен ақпарат алу мәселелеріне назар аудару қажеттілігін ерекше атап өтті.
Семинар барысында қатысушылар өздерін толғандыратын сұрақтарға жауап алып, ерте жүктіліктің қоғамға әсері туралы ой бөлісті. Гүлзира Қалдыбаева репродуктивті денсаулықтың тек физикалық қана емес, психологиялық аспектілері де маңызды екенін айтып, жасөспірімдердің әлеуметтік орта мен отбасылық қатынастардағы рөлін түсіндірді.
Семинар соңында қатысушыларға жастар денсаулығын сақтауға және дамытуға бағытталған түрлі ресурстар мен кеңестер берілді. Сонымен қатар, спикер жастардың өз денсаулығы мен болашағына дұрыс көзқараспен қарауға шақырды.
Бұл семинар жастарға ерте жүктіліктің алдын алу және репродуктивті денсаулық туралы терең білім беру арқылы қоғамдағы осы мәселеге деген қарым-қатынасты өзгерту мақсатында үлкен қадам болды.
