Облыс әкімдігі қаржы басқармасын және Тұрар Рысқұлов ауданын басқарған Асқар Қрықбаевқа қатысты сотта ісі қарау басталды деп «TURANINFO.KZ» ақпарат агенттігі.
Асқар Санатұлын ҚР Қылмыстық кодексінің «Лауазымдық өкiлеттiктерді теріс пайдалану» бабы бойынша айыпталуда, оның жазасы дәлелденсе мүлкі тәркіленіп, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыра отырып, бес мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не бір мың екі жүз сағатқа дейінгі мерзімге қоғамдық жұмыстарға тартуға не бес жылға дейінгі мерзімге бас бостандығын шектеуге не сол мерзiмге бас бостандығынан айыруға жазаланады.
Қырықбаев Асқар Санатұлы 1965 жылы туылған, білімі жоғары, 1988 жылы Қазақтың Еңбек Қызыл Ту орденді ауыл шаруашылық институтын «ауыл шаруашылығын механикаландыру» және 2004 жылы Т.Рысқұлов атындағы Қазақ экономикалық университетін «қаржы және несие» мамандықтары бойынша бітірген. Еңбек жолын 1982 жылы Луговой ауданы Қорағаты совхозының егіс бригадасында жұмысшы болып бастаған. 1988-1989 жылдары — Алматы орта кәсіптік-техникалық училищесінде оқытушы, лаборант, 1989-1993 жылдары — Алматы облыстық автосервис және сауда кәсіпорнында инженер, шұғыл жөндеу шебері, бастықтың экономика және сауда жөніндегі орынбасары, 1993-2012 жылдары — «Қазақстан темір жолы» ҰҚ» АҚ филиалдарында және коммерциялық ұйымдарда басшылық лауазымдарда, 2012-2014 жылдары — Қазақстан Республикасы Индустрия және жаңа технологиялар министрлігінің Техникалық реттеу және метрология комитетінің Жамбыл облысы бойынша департаментінің директоры қызметтерін атқарған. 2014 жылдан бастап Жамбыл облысы әкімдігінің қаржы басқармасының басшысы, 2017-2019 жылдар аралығында Тұрар Рысқұлов ауданының әкімі лауазымын атқарып келді.
