2021 жылдың 1-шілдесінен бастап «Е-өтініш» ақпараттық жүйесі қолданысқа енгізілді. «Е-өтініш» ақпараттық жүйесінде жұмыс істеу үшін NCALayer программасын персоналды компьютерге орнату қажет. NCALayer программасы орнатылған соң, ашылған браузермен «Е-өтініш» ақпараттық жүйесіне кіру үшін қызметкер логинін, паролін енгізеді. Логин-қызметкердің ЖСН-і, пароль электронды поштаға келеді.
Ақпараттық жүйеде өтініштер тізілімі азаматтардың өтінішін қамтиды.
Өтініштерді табу үшін, тізілімнің іздеу өрісіне ЖСН-ді енгізу қажет. Өтініштердің мән-жайын көру үшін өтініш номеріне басу керек. Тізілімде өтініш берушінің ЖСН-і немесе хабарлама бойынша іздеу, өтініш жасау функциялары қолжетімді. Жүйеде өтініш қалыптастыру үшін «өтініш жасау» түймешігін басу, өтініш нысанына өтініш берушінің жеке деректерін толтыру, өтініш берушінің өтініші туралы ақпаратты енгізу қажет (өтініш түрі, өтініш ішкі санаты, қала/ауылдық округ, сипаттама). Аталған өрістерді толтырғаннан кейін «өтінішті басып шығару» түймешігін басып, өтініш берушінің қағаз өтінішіндегі қолын алып, сканерден өткізіп, сканерленген нұсқаны «Құжат тіркеу» түймешігінің көмегімен қосып, «жіберу» түймешігін басу қажет. Өтініш жіберілгеннен кейін экраннан өтініш талоны көрсетіледі. Талон өтініш және өтініш беруші туралы басты ақпаратты, сонымен қатар өтініш номерін қамтиды.
«Талон басып шығару» түймешігін басып, шығарылған талонды өтініш берушіге беру қажет. Өтініш жолдау барысында телефон нөмері дұрыс көрсетілуі қажет, өйткені кейін көрсетілген телефон нөмеріне өтініш мәртебесінің ауысқаны туралы SMS хабарлама жіберіледі. «Е-өтініш» ақпараттық жүйесі жеке және заңды тұлғалардың мемлекеттік органдар қызметіне жүгінуін жеңілдетеді. Өтініштерге қатысты процестерді цифрландыруды қамтамасыз ететін ақпараттық жүйе төмендегідей жұмыс жасайды: — мемлекеттік органдардың құзыретіне қарай өтініштерді автоматты түрде бөлуге; — мемлекеттік органдар арасында сауалдар санын оңтайландыру есебінен өтініштерді қарау мерзімін қысқартуға; — өтініштерді қарауда барлық саты мен мерзім бойынша өтініш берушіні ақпараттандыруға; — мемлекеттік органдарға түскен өтініштердің бәрінің бірыңғай базасын құруға мүмкіндік береді.
Сонымен бірге, «Е- Өтініш» ақпараттық жүйесі өтініш берушімен кері байланыс жасап, мемлекеттік органдардың жұмысына баға беруге жол ашатын бірегей жүйе. Жүйе арқылы мемлекеттік органдардың жауабына міндетті түрде жүйелі талдау жүргізіледі және жұмысты жауапсыз қалдыру ісінің алдын алып, өтініштерді қараудың бірыңғай тәжірибесін жолға қояды.
Жамбыл облысының қылмыстық істер жөніндегі мамандандырылған ауданаралық соты кеңсесінің кеңсе меңгерушісі Назаркулова Қ.С.
