Денсаулық сақтау саласының бюджеті 2016 жылы 40,9 млрд. теңгені құрады. Оның ішінде тегін медициналық көмектің кепілдік берілген көлемі – 34,6 млрд. теңге.
2016 жылдың қорытындысы бойынша облыс тұрғындарының орташа өмір сүру ұзақтығы 71,88 жасты құрады. Жалпы өлім – жітім коэффициенті тұрақты болып тұр, 6,1-ды құрады (2015 жылы – 6,1).
Аналар өлімінің көрсеткіші 3 есе артып, 100 мың тірі туған нәрестеге есептегенде 11,5-ті (2015 жылы – 3,8), нәрестелік өлім көрсеткіші 1000 тірі туған нәрестеге есептегенде 20%-ға төмендеп, 8,8-ді құрады (2015 жылы – 11,03).
Облыстың әлеуметтік мәні бар аурулар бойынша жағдайы тұрақты. Кешенді іс-шараларды тиімді іске асыру туберкулез бойынша жағдайды тұрақтандыруға мүмкіндік берді.
Туберкулез бойынша эпидемиологиялық жағдай жақсарып, аурушаңдық 5,7%-ға (58,1-ден 54,8-ге дейін, 100 мың тұрғынға) және өлім 7,7%-ға (3,9-дан 3,6-ға дейін, 100 мың тұрғынға) төмендеді.
Туберкулезбен күресу барысында науқас адамдарға, олардың отбасыларына әлеуметтік көмек көрсетудің рөлі өте маңызды. Жыл сайын жергілікті атқарушы органдары тарапынан туберкулезбен ауыратын науқас адамдарға көрсетілетін әлеуметтік көмектің көлемі артуда. Мәселен, 2014 жылы — 24,7 млн. теңге, 2015 жылы – 33,6 млн. теңге, 2016 жылы – 42,7 млн.теңге бөлінді.
Облыс бойынша 20 онкологиялық, 22 маммологиялық және 40 қарау кабинеттері жұмыс жасайды. Ұлттық скринингтік бағдарлама шеңберінде қатерлі ісіктерді анықтау көрсеткіші 0,8%-ға артты (2015 жылы 142,5-тен 2016 жылы 143,7-ге дейін).
2016 жылы жергілікті бюджет есебінен 831,0 млн. теңгеге 76 бірлік медициналық техника сатып алынды. Бастапқы медициналық-санитариялық көмек ұйымының жедел көмек қызметі үшін 120,6 млн. теңгеге 20 автокөлік сатып алынды. Облыс орталығынан алыс орналасқан және шалғай жердегі ауылдық жерлердің тұрғындарына медициналық көмектің қол жетімділігін арттыру мақсатында санитарлы авиация кеңінен пайдалануда. Ол Жамбыл облыстық ауруханасы базасында орналасқан. 2016 жылы санавиацияға 1289 (2015 ж.-1879) шақырту түскен (349 — балаға (27%), 128 – жүкті әйелдерге (10%). Әуе көлігімен медициналық көмек көрсету 139 бірлікті (2015ж. – 164) құрады. Санавиацияға түскен шақыртулардың азаюы, 2016 жылдың 1 наурызынан бастап облыстық балалар ауруханасы базасында, балаларға медициналық көмек көрсетуге арналған санавиацияның ашылуымен байланысты. Ашылған уақыттан бері 666 балаға шақырту жасалып, оның 435-і облыстық деңгейдегі ауруханаларға тасымалданған, 180 балаға жатқан ауруханасында бейінді мамандарымен қаралып, еміне түзетулер жасалған, 51 бала скайп арқылы қаралып, емі мен тексеру барысы бойынша кеңес берілген.
Жылжымалы медициналық пункттердің көмегімен шалғай станциялар мен ауылдар тұрғындарында ауруларды ерте анықтауға мүмкіндік беріледі. 2016 жылы 139 504 тұрғын тексеруден өткен.
2016 жылы жетіспейтін дәрігерлер үлесі 82-ге дейін төмендеді. Облысқа 99 жас маман келсе, оның 66-ы ауылдық жерлерге орналастырылды.
2016 жылы денсаулық сақтау нысандарының құрылысына республикалық және жергілікті бюджеттен 3 336,5 млн. теңге бөлінді (РБ – 2 262,4 млн. теңге, ЖБ – 1 074,1 млн. теңге). Сонымен қатар, 2016 жылы 25 денсаулық нысанында күрделі жөндеу жұмыстарын жүргізу үшін республикалық және жергілікті бюджеттен 1 173,6 млн. теңге бөлінген. 2017 жылға облыстық бюджет есебінен 12 денсаулық сақтау нысандарының құрылысына 855,4 млн. теңге көлемінде қаржы қарастырылып отыр. (оның ішінде: 8 дәрігерлік амбулатория, 3 фельдшерлік-акушерлік пункт және 1 медициналық пункт).
Пайдалануға берілген денсаулық сақтау нысандары
