2022 жылғы 30 шілде – Өзбекстан, Түркіменстан, Қырғызстан және Қазақстаннан «Әріптестік іс-қимылда» желісінің мүшелері Дүниежүзілік адам саудасына қарсы күрес күніне орай ақпараттық акциялар өткізді.
Желі мүшелері буклеттер таратып, базарларда, әуежайларда, вокзалдар мен саябақтарда дәрістер мен іс-шаралар өткізді. Мигранттар қайда және қалай кеңес алып, көмек ала алатындығы айтылды.
Алматыда «Родник» ҚҚ Қазақстан Республикасындағы Адам құқықтары жөніндегі уәкілдің, қала әкімдігінің, ҚР ІІМ-нің және ҚР-дағы АҚШ елшілігінің шағын гранттар бағдарламасының қолдауымен «Адам саудасына қарсы бірге: сын-қатерлер, табысты тәжірибелер, өзара іс-қимыл перспективалары» тақырыбындағы дөңгелек үстелге қатысты. Қала көшелерінде еріктілер ақпараттық акциялар өткізді.
Қарағандыда желілік-көлік полициясы мен «Қайсар» қоғамдық қорының қызметкерлері бірлескен ақпараттық акция өткізді. Автовокзалда олар қазақ, орыс, қырғыз, өзбек және тәжік тілдерінде адам саудасы және жедел желі телефондары туралы ақпарат бар буклеттер таратты.
«Дәріс-2016» қоры Ақтөбе қаласының әкімі жанындағы Әйелдер істері және демографиялық саясат жөніндегі комиссияның серіктестерімен, полиция департаментімен және Ақтөбе станциясындағы ЛОП Ақтөбе теміржол вокзалында, орталық базарда және Пушкин атындағы саябақта ақпараттық акция өткізді.
#АдамСаудасынаҚарсы30Күн #30ДнейПротивТорговлиЛюдьми #Partenshipiaction #ВместеСильнее #БіргеКүштірек #unitedagainsttip
