4 мамыр күні Жамбыл облысында коронавирустық инфекцияның төрт жаңа жағдайы тіркелді.
Бірінші оқиға Тараз қаласында анықталды. 1996 жылы туған науқас бұған дейін ауырғандармен байланыста болған. ПТР-тексерудің нәтижелері коронавирустық инфекцияның бар екендігін анықтады.
Сондай-ақ індет Атырау облысының Теңіз кентінде вахталық әдіспен жұмыс істеген 1964, 1966 және 1980 жылы туған үш ер адамнан да расталды. Белгіленген алгоритмге сәйкес, өңірге келгеннен кейін олар карантиндік стационарға оқшауланған.
5 мамыр күні Жамбыл облысында коронавирустық инфекцияның 159-шы жағдайы тіркелді. Науқас 1993 жылы туған Тараз қаласының тұрғыны. Ол дене қызуының жоғарылауы және әлсіздікке қатысты шағыммен тұрғылықты жері бойынша емханаға жүгінген. Жүргізілген ПТР-тексеріс қорытындысы оң нәтиже көрсетті.
Байланыста болған тұлғаларды анықтау, оларды карантинге орналастыру және зертханалық талдаулар алу бойынша жұмыстар жүргізілуде. Ошақтарда дезинфекциялық іс-шаралар атқарылды.
Ағымдағы жылдың 5 мамырдағы жағдай бойынша Жамбыл облысының аумағында коронавирустық инфекцияның 159 жағдайы тіркелген, оның ішінде Тараз қаласында – 75, Байзақ ауданында – 11, Жамбыл ауданында – 5, Қордай ауданында – 37, Меркі ауданында – 3, Шу ауданында – 2, Мойынқұм ауданында – 1.
Сондай – ақ, Дели — Тараз рейсі жолаушыларынан 6 оқиға, Теңіз вахталық кентінен келген жұмысшылар арасынан 19 оқиға анықталды.
Барлық індет жұқтырғандардың 51-і сауығып, үй карантиніне шығарылды. Олар дәрігерлердің бақылауында болады.
