Биыл ел бойынша 10 576 орынға есептелген жатақханалар салу көзделген
2024 жылы 27 жатақхана құрылысын аяқтау көзделген.
Қазіргі уақытта 17 жатақхана салынып, пайдалануға дайын.
Бұл туралы ҚР ҒЖБМ Жоғары және жоғары оқу орнынан кейінгі білім комитеті төрағасының орынбасары Ақерке Абылайхан айтты.
3 жатақхана Түркістан облысында, Жамбыл, Атырау облыстарында 1 жатақханадан, Павлодар облысында 1 жатақхана, Алматыда – 1040 орындық 4 жатақхана, Шымкентте – 930 орындық 3 жатақхана, Астанада – 1207 орындық 3 жатақхана, Қостанайда – 324 орындық 1 жатақхана салынып, биылғы оқу жылында пайдалануға беруге дайын, — деді спикер ОКҚ алаңында өткен баспасөз конференциясында.
ҚР ҒЖБМ Жоғары және жоғары оқу орнынан кейінгі білім комитетінің баспасөз қызметі
