Биыл облыста 28 мың литр алкоголь тәркіленді

Бұл туралы Өңірлік коммуникациялар қызметінің ақпарат алаңында Жамбыл облысы бойынша мемлекеттік кірістер департаменті Акциздерді әкімшілендіру бөлімінің басшысы Қадырбек Бекжан баяндады.
Алкоголь өнімдерінің айналымынан 28 145,6 литр анықталып тәркіленді, өткен жылмен салыстырғанда алкогольді анықтап тәркілену көлемі 7 362,2 литрге өсті (өткен жылы 20 783,4 л). Сот шешімімен ҚР ӘҚБтК-нің 283, 463-баптарына сәйкес 4,5 млн.теңге сомасында айыппұл салынып, 1,7 млн. теңге өндірілді. Ал, айналымнан алынған темекі өнімдерінің көлемі 4 999 688 буманы  құрады, онда өткен жылмен салыстырғанда 3,7 есе өсті (2023 жылы – 1 358 844 бума). Көрсеткіш Мемлекеттік кірістер органдарының, шекара қызметінің және экономикалық тергеу департаментінің жұмыс нәтижелері. Сот шешімімен ҚР ӘҚБтК 283-бабының 2-бөлігіне сәйкес 18,7 млн. теңге сомасында айыппұл салынды, оның ішінде 2,1 млн.теңге өндірілді.