2024 жылдың 14 шілдесінде талапкерлер ТЖМ Мәлік Ғабдуллин атындағы Азаматтық қорғау академиясына күндізгі оқу бөліміне оқуға түсуге келді. Олар алдымен тіркеуден өтіп, құжаттарын тапсырды.
Биыл конкурстық іріктеуге 199 адам қатысады, оның 10-ы – қыз. Шілденің 15-і мен 21-і аралығында талапкерлер әскери-дәрігерлік комиссиядан өтеді. Ал 16-22 шілде аралығында дене шынықтыру дайындығы бойынша нормативтерді тапсырады. 23 шілде – апелляция күні. Келесі күні күндізгі оқу бөліміне конкурстық іріктеу және қабылдау өтеді.
15 шілдеде талапкерлер мен ата-аналардың қатысуымен жиналыс өткізілді. Жиында Академия бастығы полковник Е.А. Әлібеков, ТЖМ кадр және тәрбие жұмысы департаменті бастығының орынбасары А.Н. Сыздықов, ҚР Сыбайлас жемқорлыққа қарсы қызметтің Ақмола облысы бойынша департаменті бастығының орынбасары Қ.Қ. Қабылбеков, Ішкі істер министрлігі Орталық әскери-дәрігерлік комиссиясының төрағасы М.Ш. Ниязов оқуға түсушілерді іріктеу бойынша түсіндірме жұмыстарын жүргізді.
Оқу орны бастығы конкурстық іріктеу рәсімі Қазақстан Республикасының қолданыстағы заңнамасының барлық талаптарын қатаң сақтай отырып жүргізілетінін атап өтті. Сондай-ақ полковник Әлібеков барлық іс-шаралар сыбайлас жемқорлыққа қарсы заңнамаға сәйкес өтенінін айтты.
Кездесу соңында ата-аналар өздерін қызықтырған сұрақтарын қойып, қабылдау комиссиясы тарапынан толыққанды жауаптар алды.
ҚР ТЖМ Мәлік Ғабдуллин атындағы Азаматтық қорғау академиясының баспасөз қызметі
