«2024 жылдың 23 қарашасында Алматы, Астана, Қарағанды, Жезқазған, Балқаш, Теміртау қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді», — делінген хабарламада.
Қолайсыз метеорологиялық жағдайлар — атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
Еске салайық, бұған дейін 23 қарашаға арналған ауа райы болжамы хабарланған еді. Синоптиктердің болжамына қарағанда, бүгін еліміздің барлық өңірінде ауа райы қолайсыз болады. Кей өңірде тұман түсіп, бұрқасын мен екпіні күшті жел соқса, енді бір өңірлерде көктайғақ болады.
