Аталмыш шараға «Жол патруль» ақпараттық-құқықтық қорғау порталының қызметкерлері қатысып, полиция қызметкерлерінің облыс жолдарындағы жол қозғалысы тәртібін қадағалау жұмыстарын бақылап, баға берді.
Іс-шараның мақсаты —жол жарақаттануының алдын алу және жол қозғалысын қадағалау тиімділігін күшейту, жол қозғалысы ережелерін бұзудың алдын алу болып табылады. Сондай-ақ, рейд барысында қала сыртындағы трассаларда жүк техникасы мен қалааралық тасымалдауды жүзеге асыратын көліктерге ерекше назар аударылды.
Жеті күндік іс-шара нәтижесінде облыс аумағында 12 717 жол жүрісі ережесін бұзу деректері анықталды.Оның ішінде 12 дерек қоғамдық көлік жүргізушілерімен орын алған. Сондай-ақ, 740 жүргізуші қауіпсіздік белдігін тақпаған, ал 95 бұзушы бағдаршамның тыйым салу белгісінен өтіп кеткен, 238 көлік маневр жасау ережелерін бұзған.
Сонымен қатар, көлік құралын тиісті құжаттарсыз басқарған 145 жүргізуші анықталды. 1445 жаяу жүргінші жолдың белгіленбеген жерлерінен өткені үшін жауапкершілікке тартылды.
Арнайы айып тұрағына 245 көлік қойылды.
Жамбыл облысының Полиция департаменті жол қозғалысының барлық қатысушыларына жол қозғалысы ережесін қатаң сақтауды ескертеді.
