Бүгінгі таңда Талас ауданы бойынша Ақкөл, Ойық, Үшарал ауылдық округтерінде 3 жылыжай бар. Атап айтқанда, Үшарал ауылындағы жеке кәсіпкер Сыздықбеков Ерғазы Жамбылбекұлы 20 соттық жылыжайға қияр егіп 20 тонна өнімін алған, ал Ойық ауылының тұрғыны Тілепбергенов Болатбек Тұрғынұлының 3 соттық жылыжайында қызанақ, қияр егіліп 3,0 тонна өнімін халыққа сатқан.
Аудан бойынша ауыл шаруашылығы өнімі 6 млрд. 395 млн. 400 мың теңгеге өндіріліп, былтырғы жылмен салыстырғанда 104,7%-ға орындалған. Ал 2021 жылдың 6 айының қорытындысы бойынша МІҚ- 30228 бас, қой-ешкі- 431019 бас, жылқы – 12257 бас, түйе – 2216 бас, шошқа — 208 бас, үй құстары – 42164 бас құрады.
«Өңірлерді дамытудың 2020-2025 жылдарға арналған» мемлекеттік бағдарламалары бойынша, Тамды ауылындағы №1, №2 каналды ағымдағы жөндеу 66051,0 мың теңге бөлініп, жұмыстар жүргізілуде. Ақкөл ауылындағы Р-1 каналды ағымдағы жөндеу 72608,0 мың теңге бөлініп, жұмыстар жүргізілуде. Сонымен қатар, Қызыләуіт ауылындағы Сейіт, Мешіт, Маятас, Қызылқия каналдарын ағымдағы жөндеуге 4,0 млн теңге бөлініп, жұмыстар аяқталды. Ал ауылшаруашылығы саласының негізгі капиталына тартылған инвестиция көлемі 866,0 млн. теңге жетіп, жоспар 100 пайызға орындалған. 2021 жылдың өнімі үшін барлығы 13765 гектар алқапқа ауылшаруашылығы дақылдары орналастырылды және 2500 га пар дайындалды. Яғни, барлық егістік жердің 76% игерілген. Көктемгі егіс — дала жұмыстар бойынша 4380 гектар алқапқа жаздық ауыл шаруашылығы дақылдары егілген. Ал ауданда 2021 жылы 145700 тонна ірі сабақты мал азығын дайындау жоспарланған, 58300 тонна мал азығы дайындалған.
Аудан бойынша 2021 жылдың қаңтар-маусым айларында шағын және орта кәсіпкерлік мәртебесімен ауданда 2734 субъектісі тіркелген, олардың 179 шағын-орта кәсіпорын, 1698жеке кәсіпкер және 857 шаруа қожалықтар. Осы тіркелген субъектілердің 2202-сі жұмыс істейді. 2021 жылдың қаңтар-маусым айларына бөлшек сауда тауар айналымы 1 млрд.098 млн. 600 мың теңгені құрап, былтырғы жылмен салыстырғанда 114,9%-ға немесе 142 млн. 100мың.теңгеге ұлғайған.
Қаратау қаласы абаттандыру жұмыстары бойынша 44 166,0 тг бөлініп, 50 000 мың түп петунья гүлі, 123 кг астра гүлінің ұрығы, 150 г бархат гүлінің ұрығы, 304 түп можевельник ағашы, 15 000 түп қарағаш ағашы, 1 000 түп терек ағашы сатып алынып отырғызылған. Ал санитарлық тазалық жұмыстары бойынша 6 500 м3 апатты жағдайдағы қоқыстар және 120 тн құрылыс қалдықтары полигонға тасымалданған. Аудан аумағында 2021 жылы 15 гектарға 15 000 түп ағаш отырғызылу жоспарланып, қазіргі таңда Үшарал, Бөлтірік шешен, Аққұм және Бостандық елді-мекендерінде 9 000 түп ағаш егілген. Бүгінгі таңда аудан бойынша құрылыс жұмыстарының көлемі 4 млрд.266 млн. теңгені құрап, өткен жылымен салыстырғанда 118,7 пайызға орындалған. 2021 жылдың 6 айында аудан бойынша пайдалануға берілген тұрғын үйлердің жалпы көлемі 11922 шаршы метрді құраған. Ауданда 2021 жылдың 1 шілдесіне кезекте тұрған тұрғын үйге мұқтаж азаматтар саны 1697 адамды құраған. Бүгінгі таңда Қаратау қаласындағы Момышұлы көшесі № 11 үйде орналасқан жеке меншіктегі бос тұрған 10 пәтерді сатып алуға 50,0 млн. теңге бөлініп, сатып алу конкурс жүргізілуде.
Материал Жамбыл облысы әкімдігінің ішкі саясат басқармасының тапсырысы бойынша дайындалды
