Үстіміздегі жылы Тараз қаласындағы Бауыржан Момышұлы атындағы Жеңіс саябағы жаңғыртылады. Халқымызда ерлердің есімін ардақтап, оларға құрмет көрсету ұрпақ міндеті санаған. Осыған орай саябақта ІІ-дүниежүзілік соғысқа қатысқан майдангерлердің есімін мәңгі ел есінде қалдыру мақсатында мәрмәр тасқа олардың аттары қашалып жазылатын болады. Ұлы Отан соғысына қатысқандардың бірде біреуі ұмыт қалмауы үшін қалың көпшіліктің көмегіне сүйену аса маңызды әрі қажеттілік. Сіздерден архив қызметкерлерінің әскери бөлімдердегі құжаттар негізінде әзірлеген майдангерлердің тізіміне енбей қалған бабаларыңыздың, әкелеріңіздің, жақын туыс ағайындарыңыздың, бір сөзбен айтқанда, өзіңіз білетін азаматтардың аты-жөнін, қашан, қай жерден майданға алынғаны жөнінде айғақтайтын құжаттарын немесе тізімде есімі қате жазылған азаматтар туралы ақпаратты arhiv1939@gmail.com электронды поштасына немесе Тараз қаласы, Абай көшесі, 125 А (Жамбыл облысының мемлекеттік архиві) мекен-жайына жолдауыңызға болады. Жолданған ақпараттың назарға алынғаны жөнінде 8 (7262) 423250 нөміріне қоңырау шалып біле аласыздар.
Құрметті ағайын, ерлердің есімін мәңгі жадыда қалдырар сауапты іске үлес қосуларыңызды өтінеміз.
Толық тізімді келесі сілтеме бойынша көруге болады.
https://cloud.mail.ru/public/LVwj/ZT6hGEcFR
АТАҢНЫҢ ЕСІМІ ТАСҚА ҚАШАЛСЫН ДЕСЕҢІЗ…
- Маңызды
- Пікірлер
- Соңғы
