Ербол Шырақпайұлы қала аумағында орналасқан «Мамыр» саябағы жөндеуден өтіп, ТарӨУ-нің “Гидро” кешені жанынан жаңа саябақ салу жұмыстары да пысықталуда деп жазды әлеуметтік желі парақшасында.
Пікір білдірушілердің бірі Алтынкул Акишеева «Ауылдарды аралауды Ұмытпаңыз!!!» деп сауал қойған болатын.
ЕРБОЛ ҚАРАШӨКЕЕВ:
Алтынкул Акишеева міндетті түрде, алдымыздағы жексенбіден бастап аудандарды бейресми аудан орталықтарын және шалғай аулдарға баратын боламын.
Жамбылдық журналист Жалғас Саңғыл «Соңғы жылдар саябақтар күтусіз қалып, шөптері қурап, қала «жабайылана» бастағанын тура байқапсыз..», «Ақ жол» партиясының Жамбыл облысы филиал басшысы Муханбеталы Шалқарбеков «Қайырлы күн баршаңызға, иә өзіміз де сол сая бақтары дем алыс орындарында жүргенде тазалықты сақтап оң көзбен қарап сындырып бұзыпылмвғанына жол бермесек дұрыс болар еді», ал жазушы журналист Көсемәлі Сәттібайұлы «Ербол інім, қаланы аралап көргенің өте дұрыс. Тектұрмас әулие биігіндегі кешенге де бір барып көруіңді сұранар едім. Сол кешенге кезінде миллирадқа жуық (бәлкім, одан да көп) ақша жұмсалды. Бірақ қазір ол жер ұмытылып, мәдени іс-шара тұрақты өткізілмей, шамдары сөніп, плита төсеніштері шағылып жатыр. Су ағып тұратын каналы да істен шыққан. Тектұрмастағы көне мазарға көтерілетін жолдың асфальті де ойылып қалыпты. Осы аймақ назарға тұрақты түрде алынып, келушілерге қызмет көрсететін т.б. жұмыстар дұрыс жолға қойылса деген тілек бар. Әйтпесе, туристер мен қонақтар сувенир, сусын, балмұздақ, ыссы бәліш пен шәй таппай қайтады. Наурыз — Жыл басын да осы жерден қарсы алып, оны Шахристанда жалғастырса керемет болар еді. Шахристанға күннен сая болатын түрлі тал-дарақ егу, көгалдандыру жұмысы өте қажет. Аптап ыстықта ол жерді күндіз аралау, асықпай көру мүмкін емес. Шахристан демекші, сол жердегі қаз-қатар тұраған мәдени мекемелер Тараз қаласының орталық жылу жүйесіне қосылмағандықтан, алты ай қыста электр жылытқышымен ләждап отырады. Қарапайым киініп, демалыс күні саябақты аралап, оның әсерін халықпен бөлісіп, байланысқа шығып, жазба қалдырып отырғаныңа іш жылып қалды. Жас келсе, іске! Үлкен істер күтем!» деп пікір қалдырды.
