Облыс экономикасындағы негізгі үлес өнеркәсіп өндірісіне тиесілі — 19%, ондағы өңдеу өнеркәсібі секторының үлесі – 65,4% (891 кәсіпорында (17 ірі, 25 орта, 849 шағын) 46 мың тұрғын жұмыс істейді). Жыл басынан бері 727,8 млрд теңгеге өнеркәсіп өнімі өндірілді. Химия және құрылыс индустриясы өңдеу өнеркәсібінің негізгі өсу нүктелері болып табылады. Облыста Қазақстанның жалпы химия саласы өнімінің шамамен 24%-ы өндіріледі. Химия кәсіпорындары республика бойынша 100% фосфор, 81% минералды тыңайтқыштар шығарады. Облыста 13 млрд. тонна қоры бар 48 фосфорит кен орны шоғырланған.
«Газдандыру аясында облыста 12 жоба іске асырылуда, 3 елді мекен (10,5 млрд теңгеге) (5,0 мың адам) (бүгінге 285 АЕМ 1 113 мың адам) табиғи газбен қосымша қамтамасыз етіліп, газбен жабдықтау деңгейі 91,1%-дан 91,3%-ға дейін жетті (тұрғындармен есептегенде). Облыста «Еврохим-Қаратау» (Сарысу ауданы) автоматты газ тарату станциясының құрылысы жүргізілуде. «Еврохим-Қаратау» ЖШС-ін газдандыру жалпы қуаты жылына 1 млн. тоннадан астам өнім шығаратын минералды тыңайтқыштар мен күкірт қышқылын шығаратын ірі өнеркәсіптік жобалардың бірін іске асыруға мүмкіндік береді. Бұдан бөлек, 2024-2025 жылдары 12,6 млрд.теңге бюджет қаражаты есебінен облыстың жалғыз газбен қамтылмаған Мойынқұм ауданының елді мекендерін газдандыру жөніндегі жобаны іске асыру басталды.2025 жылы газбен қамту деңгейін 91,5%-ға жеткізу жоспарлануда» деді Ербол Қарашөкеев.
Әлеуметтік инфрақұрылымды дамыту шеңберінде өңірде 36 білім беру нысанының (10600 орын) құрылысы жүргізілуде, бүгінде 13-і іске қосылды (жоспар — 15 нысан), оның 3-уі (3000 орын) «Жайлы мектеп» жобасы аясында. Нәтижесінде, 7 оқушы орны тапшылығы бар, 3 үш ауысымды, 3 тозығы жеткен, 2 апатты мектептер мәселесі шешілмек. 9 мектеп және 1 техникалық шығармашылық орталық күрделі жөндеуден өтті. Мектептерді жаңғыртуға 3,1 млрд. теңге бөлінді (215 мектепті жаңа модификациялық кабинеттермен жабдықтауға — 1,9 млрд. теңге, білім беру нысандарының қауіпсіздігін қамтамасыз үшін — 1,2 млрд теңге).
Мемлекеттік білім беру ұйымдары бейнебақылау интеграциясымен 90,5%, дабыл нүктелерімен — 100%, турникеттермен — 86,8%, мамандандырылған күзетпен 87,9%, жоғары жылдамдықты интернетпен мектептердің 97%-ы қамтылған.
«Тараз қаласында ең үлкен проблема ол қоғамдық көліктер. Қала әкіммен жиі аралап, бізден Пазиктар. Наразылық өте көп, автобустарға сыймай қалып жатады. Тараз қаласында үш жылдық жоспар бар. 200 жаңа көлік сатып алу жоспарланған. Биыл 133 жаңа көліктер алынды. Жыл аяғына дейін 42 автобус алынатын болады. Тараз қаласында жаңа автобустар үлесі 68% жетті» деді Ербол Қарашөкеев.
Өңірде тұрғын үй мәселесі кезең-кезеңімен шешіліп, жаңа алқаптар мен шағын аудандар салынуда. Жыл басынан 577,1 мың шаршы метр тұрғын үй пайдалануға берілді (2024 ж. жоспар. — 750 мың. ш.м). 3709 пәтерлі (334,1 мың ш.м) 78 тұрғын үйдің құрылысы жүргізілуде. Жыл соңына дейін 2024 пәтер пайдалануға беріледі (41 тұрғын үй, 217,2 мың. ш.м).
Бұдан бөлек, көпбалалы отбасылар мен халықтың әлеуметтік-осал топтары үшін 1575 пәтер сатып алынды (23,2 млрд.теңге).Жалпы, құрылыс және сатып алу есебінен әлеуметтік-осал санаттағы 1963 отбасын (2023 ж — 1122 пәтер) тұрғын үймен қамтамасыз ету жоспарлануда, бұл өткен жылмен салыстырғанда 75%-ға артық. «Әулие ата жастары» жобасы аясында 140 жас отбасы баспанамен қамтылады.
«Спорт саласында бізде жақсы жетістіктер орын алды. Мейлінше қолдан келгенше қолдау білдірдік. Елдос Сметовты қарсы алдық, дзюдо күрес түрлерінен алғашқы алғашқы рет алтын әкелді. Сыйлықтар демеушілер арқылы шешілді. Елдосты қалай күтсекте орынды» деді облыс әкімі.
Биылғы жылдың ең үздік жетістігі – «Париж – 2024» жазғы Олимпиада ойындарында дзюдодан Елдос Сметовтың алтын медалі.
Бұдан бөлек, Париж – 2024 XVIII жазғы Паралимпиада ойындарына Жамбыл облысы 4 лицензия алып, Жұмағали Нұрдәулет паражүзуден күміс медальға ие болды. Қыркүйек айында Астанада өткен V Дүниежүзілік көшпенділер ойындарында Жамбыл облысынан 17 спортшы қатысып, 18 медаль иеленді).
