Қала әкімі бірқатар нысандарды аралады. Бұл жолы Ержан Жылқыбаев шаһардағы демалыс орындары мен «Таразға тарту» жобасы арқылы іске асқан нысандардың абаттандыру жұмыстарына назар аударды.
Ержан Жылқыбаев әуелі «Тектұрмас» этно-мәдени орталығындағы жалпы аумағы 8 200 метр кубты құрайтын көгалдың бүгінгі жай-күйімен танысты.
Мұнан соң «Жеңіс» саябағы, «Үшбұлақ» жағалауы және де Тұңғыш Президент атындағы саябақты көріп, жауаптыларға гүлзарларға әртүрлі гүлдер отырғызып, шөптерді уақытылы орып отыруды тапсырды. Сонымен қатар қала басшысы өткен жылы ел игілігіне берілген «Таразға тарту» жобасы бойынша іске асқан бірқатар рухани-мәдени орталықтарға барды.
Атап өтетін болсақ, «Денсаулық», Қ.Рұрысов көшесі №16,19,20 тұрғын үйлердің маңындағы скверлер.
Тараз қаласы облыс орталығы. Сондықтан оның сыртқы келбеті мен тазалығына баса мән берілуі тиіс. Жасыл желекке бөленген шаһарды абаттандыру жұмыстары көктемнің алғашқы айларында басталып кетті.
Дейтұрғанмен, шаһардың шырайын келтіріп, қонақтар мен тұрғындарға жайлы орта сыйлау үшін аталған нысандар үнемі бақылауда болу қажет.
Осыны ескерген қала әкімі тұрғындар жайлылығы және қала экологиясына әсер ететін жұмыстарды үлкен жауапкершілікпен, сапа мен талапқа сай, жоспар бойынша жүзеге асыруды «Жасыл ел-Тараз» мекемесінің жаңа басшысы Азамат Әбішевке тапсырды.
Дереккөз: Тараз қаласы әкімдігінің медиа орталығы
