Сот және Әділет саласының құрметті қызметкері, Сарысу ауданының Құрметті азаматы, Жаңатас қалалық сотының алғашқы төрағасы Жұмажанов Ескермес Жұмажанұлына арналған мемориалдық тақта салтанатты жағдайда ашылды.
Салтанатты шараға қатысқан аудан әкімінің орынбасары Ерлан Ермағанбетов құттықтау сөз сөйлеп, Ескермес Жұмажанұлының облысымыз бен Сарысу ауданының сот және әділет саласының дамуы мен қалыптасуына қосқан үлесіне айрықша тоқталды.
Бұдан кейін сөз алған, Жамбыл облыстық судьялар кеңесінің төрағасы, облыстық соттың отставкаға судьясы Асылхан Дармұрзаев, Жамбыл облыстық сотының судьясы Оспан Мамытбеков, Жамбыл облыстық Әділет басқармасы басшысының орынбасары Дәурен Жигулиұлы Дайрабаев, Астана қалалық адвокаттар алқасының адвокаты Алмира Шайхина жылы лебіздерін білдірсе, ағайындар атынан сөз сөйлеген Сарысу ауданының Құрметті азаматы, жазушы Бергентай Нұрмаханов ағаға деген арнауын оқып берді.
Сарысудан шығып, елімізге танымал болған, облысымыздың сот жүйесінің қалыптасуы мен дамуына айрықша үлесін қосқан сот саласының майталманы, ардақты аға Жұмажанов Ескермес Жұмажанұлына арналған ескерткіш тақта салтанатты жағдайда ашылды.
