2025 жылдың 1 мамырына Жамбыл облысы бойынша халық саны 1 220,6 мың адамды құрады.

Тараз қаласында 437,4 мың адам,

Қордай ауданы – 156,9 мың адам,

Байзақ ауданы — 106,5 мың адам,

Шу ауданы — 105,2 мың адам,

Меркі ауданы – 88,1 мың адам,

Жамбыл ауданы – 88,0 мың адам,

Т.Рысқұлов ауданы – 66,3 мың адам,

Жуалы ауданы – 53,5 мың адам,

Талас ауданы — 47,7 мың адам,

Сарысу ауданы – 43,3 мың адам,

Мойынқұм ауданы — 27,7 мың адам

Білім.

Бүгінге, 618 мектепке дейінгі ұйымдармен (498 балабақша, 120 шағын орталықтар) 63,5 мың бала немесе 91,4% (1-6 жас) қамтылды, бұл 2024 жылдың деңгейінен 0,3 пайыздық тармаққа төмен.

2025 жылы 26 білім беру  обьектілерін дамытуға 28,8 млрд.теңге бөлінді.

Оның ішінде: «Жайлы мектеп» пилоттық ұлттық жобасы аясында 4 мектептің құрылысы қарастырылды (Қордай ауданында 2 мектеп (600 орындық),Тараз қ. «Ұлы Дала», «Шөлдала» шағын аудандарында 2 мектеп (2600 орындық)).

2025 ж. 1 маусымына Тараз қаласы «Ұлы Дала» шағын ауданындағы 2000 орындық мектеп пайдалануға берілді.

Сондай-ақ, Ұлттық жобадан тыс Байзақ ауданында 2 мектептің (200 орындық), Жамбыл ауданында 3 мектептің (350 орындық), Т.Рысқұлов ауданында 1 мектептің (120 орындық), Шу ауданында 3 мектептің (340 орындық), Тараз қаласында 1 мектептің (600 орындық) құрылыстары қарастырылған (облыс бойынша 12 мектепке жапсарлас, оның ішінде дарынды балаларға арналған ІТ лицей — интернат).

2025 ж. 1 маусымына 350 орындық 3 мектеп пайдалануға берілді.

Компьютерлік техникамен қамтамасыз ету деңгейі орташа есеппен 1 компьютерге 5 оқушыны құрайды.

Облыстағы 450 мектеп Интернет желісіне және «Bilimclass» жүйесіне қосылған. 362 мектепте 1768 интерактивті панельдер орнатылған.

Денсаулық сақтау.

Денсаулық сақтау жүйесін қаржыландыруға 2025 жылы 21,5 млрд. теңге бөлініп, есепті кезеңге 8,9 млрд. теңгесі немесе 99,8%-ы игерілді.

Тегін медициналық көмек көрсетудің кепілдендірілген көлемін қамтамасыз етуге 5,0 млрд. теңге бөлініп, есепті мерзімге 2,6 млрд. теңгесі игерілді, денсаулық сақтау нысандарының материалдық-техникалық базасын нығайтуға 11,2 млрд. теңге (РБ — 3,6 млрд.теңге, ЖБ — 7,6 млрд.теңге) бөлініп, есепті мерзімге ЖБ-тен – 3,9 млрд. теңгесі игерілді.

Денсаулық сақтау объектілерін дамытуға 1441,4 млн. теңге  (о.і. РБ – 1233,3 млн. теңге, ЖБ  — 208,1 млн. теңге) қарастырылды.

Бөлінген қаражатқа 6 денсаулық сақтау нысандарының құрылысын жүргізу қарастырылған (Қордай мен Талас аудандарында 90 келушіге арналған 2 ДА, Қордай ауданында Сортөбе а. бір ауысымда 200 келушіге арналған емхана құрылысы, Меркі ауданының орталық аудандық ауруханасының ғимаратын қайта жаңғырту (литер А қабылдау бөлімшесі), компьютерлік томографты орнату үшін Меркі ауданының орталық аудандық ауруханасының ғимаратын қайта жаңғырту, Талас ауданында ДА-ның  сыртқы инженерлік желілерінің құрылысы).

2025 ж. 1 маусымына Қордай ауданында 45 келушіні қабылдайтын  ДА пайдалануға берілді.

2025 жылдың қаңтар-мамырында қатерлі ісік, наркологиялық аурулармен, психикалық бұзылу, мерез және қан айналымы жүйесімен алғаш сырқаттанушылықтың өсуі байқалады.

Сонымен қатар туберкулез және қант диабетімен алғаш сырқаттанушылықтың деңгейі төмендеді.

Ана өлімінің 3 жағдайы Мойынқұм ауданы, Тараз және Шу қалаларында тіркелді.

Мемлекеттік денсаулық сақтау мекемелерінің желісіне 384 медициналық ұйым кіреді, оның ішінде 28 ауруханалық ұйымдар, 141 амбулаториялық емханалық ұйымдар, 4 диспансер, 58 фельдшерлік-акушерлік пункт, 145 медициналық пункт және 8 басқа ұйымдар.