Әкімшілік құқық бұзушылық – бұл заңдық потологияның (қалыптан тыс ауа жайылудың), ауыт кететін мінез-құлықтың бір түрі, ол не іс-әрекет, не әрекетсіздік нысанында болады.
Іс-әрекет бұл міндет немесе заңды талап түрінде болатын құқықтық нұсқаманы өршігіп орындамау. Нақты тыйымды, ережені, норманы, стандартты бұзу (мысалы, жүргізушілердің масаң күйінде көлік құралдарын басқару, тұрғын жайларды пайдаланудың ережелерін бұзу, өлшем бірлігін қамтамассыз ету туралы нормативтік құжаттардың талаптарын бұзу).
Әрекетсіздік – бұл тұлғанын өзіне жүктелген міндеттерге байланысты жасауға тиісті және істей алатын іс-әрекеттерді істеуменен көрініс табатын енжар мінез-құлқы (мысалы, табыстары туралы декларация беруден жалтару, монополияға қарсы органның нұсқамаларын орындамау).
Құқық бұзушылықтың тап осы қоғамдық қауіптілігі оны жасаған үшін жауаптылыққа себеп болады. Бұл белгінің болмауы құқық бұзушылықтың да болмағанын дәлелдейді. Кез келген әкімшілік теріс қылық белгіленген құқықтық тәртіпке қол сұға отырып, оған қандайда болмасын бір зиян келтіреді, басқару қатынастарының реттелінгендігін, келісімділігін, үйлесімділігін бұзады.
Әкімшілік құқық бұзушылықтың қоғамдық қауіптілігі белгісінін заңдық көрінісі құқыққа қарсылық болып табылады.
Әкімшілік құқық бұзушылық тек қоғамдық қауіпті, құқыққа қарсы ғана емес, сонымен бірге кінәлі іс-әрекет немесе әрекетсіздік, яғни іс-әрекет жасайтын (немесе іс-әрекет жасамайтын) тұлғаның еркі мен ақыл-парасатын білдіретін әрекет.
Әкімшілік құқық бұзушылықтың маңызды белгісі – оның әкімшілік жазаланатындығы.
Әкімшілік құқықтың теориясында (қылмыстық құқық теориясындағы сияқты) әкімшілік құқық бұзушылықтың құрамы деп әкімшілік құқық бұзушылық ретінде нақты қоғамдық қауіпті әрекет ретінде сипаттайтын ӘҚБтК-н белгіленген объективтік және субъективтік белгілердің бір-тұтастығы түсініледі. Мәселен, ұсақ бұзақылық (ӘҚБтК-нің 434 бабы) қоғамдық орындарда балағат сөйлеуден, жеке тұлғаларды қорлап тиісуден, тұрғын жайларды, ортақ пайдалану орындарын қорлаудан, қоғамдық тәртіпті және жеке тұлғалардың тыныштығын бұзудан, төңірегіндегілерді сыйламаушылықтан, арнайы қызметтерді (полицияны, медициналық жедел-жәрдемді, авариялық, өртке қарсы қызметтерді), көрінеу жалған шақырудан, басқа осындай іс-әрекеттерден көрініс табуы мүмкін.
Тараз қаласының әкімшілік құқық бұзушылықтар жөніндегі мамандандырылған сотының аға сот приставы Д.С. Арапов
