Ағымдағы жылдың 21 маусымында Жамбыл облысы ТЖД Өрт сөндіру және авариялық-құтқару жұмыстары қызметінің оқу сыныбында отбасында үлгілі әке, қызметте абыройға ие қызметкерлермен кездесу өткізілді. Шараның мақсаты кейінгі жас буынға өнегелі тәрбие беру және қоғамдағы түрлі қиындықтарға төтеп беріп, үлгілі әкелердің қатарын көбейту, отбасындағы татулықты сақтап қалу болып табылады. Себебі отбасындағы ұрыс- керіс пен жанжал қызметкердің өз қызметін немқұрайлы атқаруына алып келуі ықтимал.
Осыған орай Жуалы ауданы №7 өрт сөндіру бөлімінің бастығы, азаматтық қорғау подполковнигі Кеңесбек Өмірбекұлы Абдраимов пен Жамбыл облысы ТЖД Өрт сөндіру қызметінің Күштер мен құралдарды жедел басқару орталығының бастығы, азаматтық қорғау подполковнигі Жеңіс Қайратұлы Қайнарбаев арнайы шақырылды. Кеңесбек Абдраимов 2019 жылы өткен «Үлгілі әкелер» форумына қатысып, лауреат атанған. Ал Жеңіс Қайнарбаев 2020 жылы облыстық «Тараз 24» телеарнасының ұйымдастыруымен өткізіген үлгілі отбасыларды насихаттауға бағытталған челленджге қатысып, финалға дейін жеткені белгілі. Бүгінде бұл азаматтар өрт пен түрлі сипаттағы төтенше жағдайлардан бірнеше адамды құтқарған тәжірибелі мамандар болып саналады. Олар өз сөзінде «әке отбасының тірегі екендігін тілге тиек етіп, балаға ананың тәрбиесімен қатар әке тәрбиесі де қажет екендігін, әкенің тәрбиесін алған бала болашақта кездесетін түрлі қиындыққа төтеп беретін, батыл азамат болып өсіп шығатындығына ешкімнің таласы болмайтындығын баса айтты.
Кадр жұмыстары бөлімінің бастығы азаматтық қорғау подполковнигі Айгүл Бақытжанқызы үлгілі әкелермен ұйымдастырылған кездесуге белсенді қатысқан қызметкерлерге алғысын білдіріп, мұндай кездесулердің алдағы уақытта да жалғасын табатындығын тілге тиек етті.
Жамбыл облысы ТЖД Өрт сөндіру және авариялық-құтқаружұмыстары қызметінің Қоғаммен байланыс тобы