Денсаулық сақтау саласындағы негізгі көмектің бірі – жедел жәрдем қызметі. Қоңырау шалып, көмек сұраған науқастарға алғашқы медициналық жәрдем көрсету – жедел жәрдем қызметінің басты міндеті. Ал
қазіргі уақытта еліміздегі індеттің таралуы өршіп тұрған шақта бұл қызметтің жасап отырған қызметі ерекше. Жылдамдық пен шыдамдылықты, кәсіби біліктілікті қажет ететін медицинаның бұл саласында қызмет ету – екінің бірінің қолынан келе бермесі анық.
Жамбыл облысының халқы — 1 129 741. Жедел медициналық көмектің қызмет көрсету радиусы – 130 км. 372 елді мекен бар.
Тұрғындарға облыс аумағында 1 станция, 3 қосалқы бекет және 11 аудандық жедел медициналық жәрдем бөлімшелері қызмет көрсетеді.
Облыс бойынша тәулігіне 91 жедел-жәрдем бригадасы, оның ішінде Тараз қаласында 38 бригада қала тұрғындарына қалтқысыз қызмет етеді. Санитарлық авиация қызметін 3 мобильді бригада орындайды: акушерлік- гинекологиялық, неонатологиялық, нейрохирургиялық-травматологиялық.
Жедел-жәрдем қызметі таңғы 8.00-де ауысым жұмысын бастап, келесі күннің таңғы сағат 8.00-де жұмысын аяқтайды, яғни 24 сағат қызмет етеді. Санитарлық автокөлікпен жабдықталуы — 100%. Автокөліктер саны —
183 бірлікті құрайды.
Жамбыл облысы бойынша қазіргі уақытта 1 айда орта есеппен жедел- жәрдем станциясына тәулігіне 1500-1600 қоңырау шалынуда. Шақыртулардың басым бөлігі егде және орта жастағы науқастардың дене
қызуының көтерілуі және өкпе қабынуы бойынша түсуде.
Call-орталықта бір ауысымда 20 диспетчер қоңырау қабылдаса, 12 қызметкер шақыртуды бригадаларға бағыттап отырады. Түскен шақыртуларды «КӨМЕК» автоматтандырылған басқару жүйесі өңдейді. Әр
желілік жұмыс тобында тікелей Call-орталықтан шақыртуды қабылдау планшеттері (комуникатор) бар. Барлық автокөліктер GPS-навигаторларымен қамтылған. Бұл өз кезегінде әр бригаданың қай жерде екенін онлайн режимде, 24 сағат бойы бақылауға мүмкіндік береді. Сонымен қатар Call- орталықта 2 дәрігер тәулік бойы науқастарға және желілік бригадаларға медициналық кеңес береді.
Сондай-ақ, COVID-19 ауруының өршуі басталған кезде жедел медициналық көмек қызметінің әрекет ету алгоритмі жасалды. Іс-қимыл жоспары, коронавирус инфекциясының жағдайына байланысты медициналық қызметкерлер әрекет ететін үш негізгі сценарий бар. Барлық медицина қызметкерлері тиісті оқытудан өтті.
Облыстық жедел-жәрдем станциясы 25 дана өкпені жасанды желдету аппаратымен, 25 пульсоксиметрмен қамтылған. Бұдан бөлек, медицина қызметкерлері қорғаныш киімдерімен және жедел медициналық жәрдемге қарасты бөлімшелер мен бекеттер дәрі-дәрмекпен толық қамтамасыз етілген.
Құрметті жедел жәрдем қызметкерлері! Сіздердің адал еңбектеріңізді жоғары бағалаймыз және оның қадірін білеміз. Қызметтеріңізге табыс, болашаққа сенім мен отбасыларыңызға амандық тілейміз! Өздеріңізге сақболыңыздар. Дендеріңіз сау болсын!
Сурет интернеттен алынды https://images.app.goo.gl/p3S8de2JHepZW8ke6
Денсаулық сақтау басқармасының баспасөз қызметі
