Панфилов аудандық соты Сайрагүл Сауытбайды сот залынан босатты.
Жаркентте өткен сот отырысында судья «Қазақстан шекарасынан заңсыз өтті» деген айып тағылған Сайрагүл Сауытбайды сот залынан босатып, алты айға шартты түрде жазалуға және пробациялық бақылауға алуға үкім етті. Үкімге дейінгі жарыс сөзде прокурор Арзыгүл Имярова Сайрагүл Сауытбайдың балалары Қазақстан азаматы екендігін ескеріп балаларымен кездесуді қамтамасыз ету қажет екендігін айтқан және оны ҚР Қылмыстық Кодексінің 392 бабының 1 тармағы (мемлекеттік шекараны заңсыз қасақана кесіп өту) бойынша кінәлі деп танып, алты айға бас бостандығынан айыру, бірақ оны шартты жазаға ауыстыру және алты айға пробациялық бақылауға алу жазасына кесуді және сот залынан босатуды сұраған.
Ақпарат https://qazaqtimes.com/kk сайтынан алынды.
