Жамбыл облысының аумағында үлкен жол көлік оқиғасы орын алғандығы туралы видео тараған болатын. Видео туралы Жамбыл облысы полиция департаментінің баспасөз қызметі төмендегідей ақпарат таратуда:
— «2019 жылдың 1-ші ақпаны күні сағат 17:10 шамасында «Батыс Еуропа — Батыс Қытай» тас жолының 552-шақырымында қалың тұманның салдарынан бір бағытта бет алған жеті көліктің қатысуымен жол-көлік оқиғасы орын алды. Салдарынан, Жуалы аудандық орталық ауруханасына бір адам, Тараз қалалық №1 ауруханаға екі адам жатқызылды, қаза болғандар жоқ.
Аталған дерек бойынша жол қозғалысы ережесін бұзған жүргізушілерге қатысты ҚР Әкімшілік құқық бұзушылық туралы кодекстің 610-бабы 1, 2-бөліктері бойынша хаттама толтырылды. Барлық жеті көлік құралы айыптұраққа қойылды.
Қазіргі уақытта сараптама тағайындалып, тергеп-тексеру жұмыстары жүргізілуде» — деп мәлімдемеде көрсетілген.
ОРЫН АЛҒАН ЖОЛ КӨЛІК ОҚИҒАСЫ ТУРАЛЫ ПОЛИЦИЯ ДЕПАРТАМЕНТІ РЕСМИ МӘЛІМДЕМЕ ЖАСАДЫ
- Маңызды
- Пікірлер
- Соңғы
