Жамбыл облысы əкімдігі ішкі саясат басқармасы «Өңірлік коммуникациялар қызметінің» алаңында Жуалы ауданы әкімі Бақтияр Көпбосыновтың қатысуымен баспасөз конференциясы өтті. Бақтияр Бейсембайұлы ауданның соңғы 9 айдағы әлеуметтік-экономикалық жағдайы туралы баяндап, журналистердің сұрақтарына жауап берді.
Аудан экономикасы өткен жылмен салыстырғанда барлық салалар бойынша ілгерілеуді көрсетіп отыр.
2018 жылдың қаңтар – қыркүйек айларында құрылыс жұмыстарының көлемі 2 971,9 млн. теңгені құрап, (2017 жылы 1 260,9 млн. теңге) былтырғы жылдың осы кезеңімен салыстырғанда 289,0 % пайызға орындалды.
Негізгі капиталға салынған инвестиция көлемі 2018 жылдың қаңтар-қыркүйек айларында 10 927,6 млн. теңгені құрады (2017 жылы 8 281,9 млн. теңге), 2017 жылдың осы кезеңімен салыстырғанда 132,4 пайызға орындалды.
Өнеркәсіп өнімдерін шығарып отырған кәсіпорындар 2018 жылдың қаңтар-қыркүйек айларында 5071,9 млн. теңгенің өнімдерін өндіріп, (2017 жылы 4 494,4 млн. теңге) өткен жылдың осы кезеңімен салыстырғанда өндірілген өнімнің нақты көлем индексі 107,9 пайызды құрады.
Ауыл шаруашылығы саласында жалпы өнім көлемі 18 млрд. 683,9 млн. теңгені құрап (2017 жылдың 9 айында 18 473,7 млн. теңге) немесе нақты көлем индексі 103,6 пайызды құрады.
Мал өнімдері бойынша 2018 жылдың 1 қазанына ет өндіру тірі салмақпен 9 564,0 тн. (2017 жылы 9 196,0 тн.), сүт өндіру 36 871,1 тн. (2017 жылы 35 423,0 тн.), жұмыртқа 6 994,3 мың дана (2017 жылы 6 718,8 мың дана) өнім алып, 2017 жылдың осы кезеңімен салыстырғанда ет өнімі 4,0 пайызға, сүт өнімі 4,1 пайызға, жұмыртқа 4,1 пайызға пайызға артты.
2018 жылдың 1 қазанына мал басы 2017 жылдың тиісті кезеңімен салыстырғанда мүйізді ірі қара 6,3 пайызға, қой мен ешкі 8,7 пайызға, жылқы 8,9 пайызға, құстар 6,9 пайызға артып отыр.
Мал шаруашылығы 2018 жылдың 1 қазанына мүйізді ірі қара 43 789 бас (2017 жылы 41 206 бас), қой-ешкі 216 770 бас (2017 жылы 199 459 бас), жылқы 9 827 бас (2017 жылы 9 023 бас), шошқа 695 бас (2017 жылы 688 бас), құстар 123 064 бас (2017 жылы 115 134 бас).
Аудан бойынша 2018 жылдың қаңтар-қыркүйек айларында 1 632,5 млн. теңгенің (2017 жылдыі 9 айында 1 402,8 млн теңге) бөлшек саудасы жасалып, 2017 жылдың осы кезеңімен салыстырғанда нақты көлем индексі 8,8 пайызға артып отыр.
Жеке тұрғын үй салушылардың есебінен 2018 жылдың қаңтар-қыркүйек айларында жалпы алаңы – 7 725 шаршы метрді құрайтын тұрғын үйлер аула құрылыстарымен бірге қабылданды. Бұл көрсеткіш 2017 жылдың осы кезеңімен салыстырғанда 109,3 пайызға орындалып отыр.
Мектепке дейінгі тәрбиемен қамтылғандар үлесі 3-6 жас аралығында – 99,1 %-ды құрап отыр.
Аудан көлеміндегі 49 елді мекендердің орталықтандырылған ауыз сумен қамтылғаны – 15 елді мекен. Су жүйелеріне ЖСҚ әзірленген Шақпақата, Көлтоған, Қошқарата ауылдарының жобаларының сараптама қорытындылары алынып, Республикалық бюджеттен 2019 жылға қаржы сұрату жұмыстары жүргізілуде.
Аудандық маңызы бар 12,3 шқ және ауылішілік 13,1 шқ автомобиль жолдары орта жөндеуден өткізілді.
Аудандық жергілікті салықтарының жоспары 939 190,0 мың теңге болса, нақты түсіп отырғаны 1 055 256,0 мың теңге орындалуы 112,4 пайыз.
Аудан бюджетінің орындалуы кіріс бөлігі бойынша жоспарланған 7 239 674,0 мың теңге болса, нақты түсіп отырған соммасы 7 334 3744,3 мың теңгені құрады. Орындалуы 101,3 %.
Аудан бюджетінің шығыс бөлігі бойынша жоспардағы 7 400 046,0 мың теңге болса, нақты орындалғаны 7 374 750,4 мың теңге, орындалуы 99,7 %
.