Исаева Роза Әбдірқызы 1961 жылы туылған, білімі жоғары,
1986 жылы Алматы халық шаруашылық институтын «қаржы және несие», 2003 Қазақ гуманитарлық-заң университетін «құқықтану» мамандықтары бойынша бітірген.
1988-1990 жылдары Кентау қаласының қаржы бөлімінің бас салықтық ревизор-инспекторы, 1990-1998 жылдары Қазақстан Республикасы Қаржы министрлігінің Оңтүстік Қазақстан облысы Кентау қаласы және Дзержинск ауданы бойынша мемлекеттік салықтық инспекциясының мемлекеттік салық аға инспекторы, бөлім басшысының орынбасары, 1998-2000 Шымкент қаласы Салық комитетінің секторы меңгерушісі, бас салық инспекторы, бөлім басшысы, 2000-2011 жылдары Оңтүстік Қазақстан облысы бойынша Салық комитетінің аудит бөлімінің басшысы, аудит басқармасының басшысы, төраға орынбасары, 2011-2015 жылдары Оңтүстік Қазақстан облысының қаржы басқармасының басшысы, 2015-2016 жылдары «Нұр Отан» Партиясының орталық аппаратының активтерді басқару департаментінің басшысы, қаржы және активтер департаментінің басшысы — аппарат басшысының орынбасары, 2016-2018 жылдары «ҚазАгро» Ұлттық басқару холдингі» АҚ-ның ішкі аудит қызметінің басшысы қызметтерін атқарған.